काठमाडौं- तालिबानले अफगानिस्तान कब्जा गरेको एक महिनापछि त्यहाँ माध्यमिक विद्यालयहरु खुल्ने भएका छन्। तालिबान सरकारको शिक्षा मन्त्रालयले शुक्रबार सबै पुरुष शिक्षकहरुलाई काममा फर्कन आदेश दिएको हो।
मन्त्रालयले कक्षा ७ देखि १२ सम्म पढ्ने विद्यार्थीहरुको पठनपाठन सञ्चालन हुने जनाएको छ। तर, तालिबानले अहिलेसम्म छात्रा लागि पठनपाठन हुने या नहुने केही बोलेको छैन।
यस्तो अवस्थामा तालिबान सत्तामा आएपछि घरका पर्खालहरुमा थुनिएका महिला शिक्षिका र विद्यार्थीहरुको भविष्य के हुने हो अझै स्पष्ट हुन सकेको छैन।
दुई दशक पहिले अफगानिस्तानमा तालिबान सरकार हुँदा महिलाहरुलाई एक पुरुष बिना घर छोड्न प्रतिबन्धित लगाइएको थियो।
यता, युनिसेफले तालिबानले छात्र लागि विद्यालय खोल्ने निर्णयको स्वागत गरेको छ। तर, छात्राहरुलाई शिक्षाबाट टाढा राख्नु नहुने बताएको छ।
युनिसेफले अफगानिस्तानमा महिला र बालिकाको भविष्य गम्भीर चिन्ताको विषय भएको बताएको छ। ‘सबै छात्राहरुलाई शिक्षा यथास्थितिमा दिनुपर्छ। यसका लागि महिला शिक्षिकाहरु पनि काममा फर्कनुहोस्,’ युनिसेफले भनेको छ।
समाचार एजेन्सी एएफपीको अनुसार अमेरिकी सैन्य अभियानपछि अफगानिस्तानमा महिलाहरुको शिक्षामा धेरै प्रगति भएको थियो। त्यस समय महिलाहरुको साक्षरता दर ३० प्रतिशतसम्म बढेको थियो।
जे होस्, यो पनि सत्य हो कि शहरी क्षेत्रहरुको तुलनामा ग्रामीण क्षेत्रहरुमा साक्षरता दर धेरै कम थियो।अफगानिस्तानमा प्राथमिक विद्यालयहरु पहिले नै खोलिएको छ र छात्र र छात्रालाई अलगअलग कक्षामा राखेर पढाइएको छ। धेरै महिला शिक्षकहरु पनि काममा फर्किएका छन्।
तालिबानको नयाँ सरकारले महिला विद्यार्थीहरुलाई निजी विश्वविद्यालयहरुमा पढन अनुमति दिएको छ। यद्यपि क्याम्पसमा विद्यार्थीहरुको कपडा र ठाउँको सम्बन्धमा बिभिन्न प्रतिबन्धहरु लगाइएको छ।
अफगानिस्तानमा कब्जा गरेपछि तालिवानले भनेका यसपटक उनीहरुको सरकार अघिल्लो सरकारभन्दा फरक हुनेछ र उनीहरुले महिलाको काममा प्रतिबन्ध नलगाउने घोषणा गरेको थियो। तर, यस हप्ता तालिबानले महिला मामिला मन्त्रालय खारेज गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
