काठमाडौं- ११ सेप्टेम्बर २००१ मा दुई विमान ७६७ अमेरिकास्थित न्यूयोर्कको सबैभन्दा अग्लो ११० तले भवन ट्विन टावरमा ठोकिए। पहलो विमान विमान ८ बजेर ४५ मिनेटमा नर्थ टावरसँग ठोकियो भने १०२ मिनेटसम्म यसमा आगो लाग्यो। फेरि १० बजेर २८ मिनेटमा ११ सेकेन्डमा यो टावर ढल्यो।
पहिलो टावरमा विमान ठोक्किएको १८ मिनेटपछि विहान ९ बजेर ३ मिनेटमा अर्को ट्विन टावरमा आएर अर्को एक विमान ठोक्कियो। ५६ मिनेटसम्म यो टावर पनि आगोको चपेटामा पर्यो।
अमेरिकी वर्ल्ड ट्रेड टावरमा भएको आतंकवादी आक्रमणका कारण २ हजार ६०६ जनाको मृत्यु भएको थियो।
पेन्टागनमा भएको हमलामा २०६ अन्य मानिस र पेन्सिलवेनियामा विमान अपहरणको प्रयास विफल गर्नेक्रमा ४० जनाको मृत्यु भएको थियो।
न्यूयोर्कमा बनाइएको ९/११ को स्मारिकामा कुल २९८३ जनाको नाम उल्लेख गरिएको छ जसले यी हमलामा आफ्नो ज्यान गुमाएका थिए। आक्रमणमा ६,००० भन्दा बढीको घाइते भएका जनाइएको छ।
वर्ल्ड ट्रेड टावरमा यो पहिलो आतंकवादी हमला थिएन। सन् १९९३ मा पनि हमला भएको थियो र त्यसक्रममा ६ जनाको मृत्यु भएको थियो।
संयुक्त राज्य अमेरिकाको पूर्वी भेगमा उडिरहेका चारवटा विमान एकपछि अर्को गर्दै अपहरणमा परेका थिए। त्यसपछि तीनलाई "नियन्त्रित मिसाइल"को रूपमा न्यूयोर्क र वाशिङ्टनका महत्त्वपूर्ण भवनमा ठोक्काइएको थियो।
दुई घण्टाभन्दा कम समयमा ११० तले दुवै भवन ढलेर धूलोको विशाल मुस्लो र भग्नावशेषमा परिणत भएका थिए। नौ बजेर ३७ मिनेटमा तेस्रो विमानले राजधानी वाशिङ्टन डीसीभन्दा केही बाहिर रहेको अमेरिकी सेनाको मुख्यालय पेन्टगनको पश्चिमी मोहडालाई क्षति पुर्याएको थियो।
यात्रुहरूले प्रतिरोध गरेपछि चौथो विमान पेन्सिल्भेनीआको एउटा मैदानमा दुर्घटनाग्रस्त भएको थियो। अपहरणकारीहरूले उक्त विमानको प्रयोग गरी अमेरिकी संसद् भवनमा आक्रमण गर्ने लक्ष्य राखेको ठानिएको बीबीसीले जनाएको छ।
इस्लामवादी उग्रवादी संगठन अल-कायदाले अफगानिस्तानबाट ती घातक आक्रमणहरूको योजना बुनेको थियो। ओसामा बिन लादेनको नेतृत्वमा रहेको अल-कायदाले मुस्लिम देशहरूमा भएका द्वन्द्वमा अमेरिका र उसका साझेदारलाई दोषी ठहर्याउँदै अमेरिका माथि आंतवादी आक्रमण गरेको थियो।
आक्रमणको एक महिना नबित्दै तत्कालीन राष्ट्रपति जर्ज डब्ल्यू बुशले अन्तर्राष्ट्रिय गठबन्धनको साथ लिएर अल-कायदालाई उन्मूलन गर्न र बिन लादेनलाई पत्ता लगाउन अफगानिस्तानमा आक्रमण गरे। अमेरिकी सैनिकहरूले बिन लादेनलाई लामो समय पत्ता लगाउन सकेनन्। तर सन् २०११ मा पाकिस्तानमा लुकेर बसेका लादेनलाई अमेरिकी सेनाले मारिदिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
