काठमाडौं- नेपाली कांग्रेसले थप पाँच जिल्लाका क्रियाशील सदस्यहरुको नामावली वेबसाइटमा प्रकाशित गरेको छ।
पार्टीको १४ औं महाधिवेशनका लागि केन्द्रीय क्रियाशील सदस्यता छानबिन समितिले कार्यसम्पन्न गरेका थप ५ जिल्लाका क्रियाशील सदस्यको नामावली प्रकाशित गरिएको समितिका संयोजक महादेवप्रसाद यादवद्वारा जारी विज्ञप्तिमा उल्लेख छ।
विज्ञप्तिमा नुवाकोट, धादिङ, चितवन, ललितपुर र अर्घाखाँची जिल्लाका नामावली पार्टीको वेबसाइटमा प्रकाशित गरिएको जनाएको छ। यसअघि ४८ जिल्लाको नामावली प्रकाशित गरिएको थियो।
साथै, सम्बन्धित जिल्लाहरुमा जिल्ला निर्वाचन अधिकृतहरुलाई समेत खटाइसकिएको जानकारी दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
