काठमाडौं- नेपाली कांग्रेसको वरिष्ठ नेता रामचन्द्र पौडेल पक्षका जिल्ला सभापतिले अनसन स्थगित गर्ने भएका छन्।
पौडेल पक्षका शीर्ष नेता र उनी पक्षीय जिल्ला सभापतिको बैठकले अनसन स्थगित गर्ने निर्णय गरेको छ। महाधिवेशन हुने परिस्थिति निर्माण भएको उल्लेख गर्दै रिले अनसन रोक्ने निर्णय भएको नेता प्रकाशमान सिंहले जानकारी दिए। भदौ ९ देखि पौडेल पक्षका जिल्ला सभापतिले २४ घण्टे रिले अनसन सुरु गरेका थिए।
सिंह निवास चाक्सिबारीमा शनिबार बसेको बैठक पछि उनले भने, 'देशभरका सबै वडामा एक साथ अधिवेशन हुनुपर्छ। बाँकी रहेका सबै जिल्लाका क्रियाशील सदस्यको नाम सार्वजनिक गर्नुपर्छ।'
नेपाली कांग्रेसले भदौ १८ गते देशैभर वडा अधिवेशन गर्ने गरि नेताहरुबीच सहमति जुटेको छ। सभापति शेरबहादुर देउवा र वरिष्ठ नेता रामचन्द्र पौडेलबीच छलफल भएपछि कृयाशिल सदस्यका विवाद समाधान गर्दै नामावली सार्वजनिक गर्ने, जिल्ला सभापति र युवा नेताहरू राखेका माग सम्बोधन गर्दै रिले अनसन तोडाउने र महाधिवेशनको वातावरण तयार गर्ने समझदारी बनेको नेता प्रकाश मान सिंहले जानकारी दिए।
सभापति देउवासँग कुराकानी गरेपछि पौडेल पक्षले आज आफूनिकटका नेता र जिल्ला सभापतिहरुसँग चाक्सिबारीमा छलफल गरेका थिए।
देशभरका छ हजार सात सय ४३ वडामै एकैदिन अधिवेशन गर्ने समझदारी भएको नेता प्रकाशमान सिहले बैठकपछि जानकारी दिए।
उनका अनुसार जिल्ला सभापतिहरुले राखेका माग पनि सुनुवाइ गर्ने समझदारी बनेको छ। जिल्ला सभापतिहरुले निर्वाचन निर्देशिका संशोधन र कृयाशिलको नाम सार्वजनिक गर्न माग गरेका थिए। ४८ जिल्लाका कृयाशिलको नाम सार्वजनिक भएको र अरु जिल्लाको एक/दुई दिनभित्र सार्वजनिक गरिसक्ने तयारी छ।
एकमात्र निर्वाचन क्षेत्र रहेका ३५ जिल्लामा पनि विधानअनुसार नै हुने गरि जिल्ला सभापतिको उम्मेदवार बन्न पाइनेछ। क्षेत्रीय प्रतिनिधि पनि महाधिवेशन प्रतिनिधि र महासमिति सदस्य उठ्न पाउने विषयमा सहमति जुटेको सिंहले बताए। अब पार्टी भित्र नयाँ उसाहका साथ अधिबेशन केन्द्रित हुने वातावरण बनेकाले सबैलाई महाधिवेशन मा केन्द्रित रहन उनले आग्रह गरे।
नुवाकोट जिल्ला सभापति जगदिश्वर नरसिंह केसीले क्रियाशील सदस्यता विवाद टुंग्याउन बनेको कार्यदलका सदस्य द्वय कृष्णप्रसाद सिटौला र रमेश लेखक अनसन स्थल आएर सम्बोधन गरेपछि स्थगित गरिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
