काठमाडौं- भायानेट एनसेलसँगको सहकार्यमा 'अल इन वान, भायानेट पर्पल प्याक' अफर ल्याएको छ।
यस अफरअन्तर्गत ८० एमबीपीएस भायानेट इन्टरनेट लिँदा ग्राहकहरुले १७५ भन्दा बढी च्यानल भएको भाया टीभीसँगसँगै एनसेल सिम सित्तैमा पाउने छन्।
उक्त सिममार्फत् ग्राहकले प्रत्येक महिना चार जीबीका दरले एक वर्षसम्म कूल ४८ जीबी मोबाइल डेटा सित्तैमा पाउने छन्। त्यस्तैगरी, यो सिममार्फत् ग्राहकले अन्य एनसेल नम्बरमा कल गर्नका लागि मासिक ५० मिनेट टक टाइम, मासिक ५० वटा एसएमएस, भायानेटको कल सेन्टरमा महिनाको ५० मिनेट निःशुल्क कल र भायानेट एप चलाउन महिनाको एक जीबी थप निःशुल्क मोबाइल डेटाजस्ता उत्कृष्ट र उपयोगी सुविधाहरु पनि पाउने छन्।
यी सबै सुविधाहरु ग्राहकले जम्मा मासिक एक हजार ६०० रुपैयाँमा पाउन सक्नेछन्। यो अफर भायानेटको १०० एमबीपीएस इन्टरनेटमा पनि उपलब्ध छ।
'सुपर स्पीड इन्टरनेट, मनोरञ्जनका लागि १७५ भन्दा बढी च्यानल भएको भाया टीभी, एनसेलको फर्स्ट क्लास मोबाइल डेटा प्याक, फ्रि टकटाइम, एसएमएस लगायतका सुविधा भएकोले यो पर्पल प्याक, साँच्चै नै अल-इन-वान छ,' कम्पनीद्वारा जारी विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
