काठमाडौं- असार १ र साउन १७ गते आएको बाढीले पुर्याएको क्षतिबारे मेलम्ची पुनर्निर्माणका अभियन्ता सागर कुमार श्रेष्ठको नेतृत्व टोलीले मन्त्रीहरुलाई ज्ञापनपत्र बुझाएको छ।
नेपाली कांग्रेस, प्रचार तथा प्रसार विभागका केन्द्रिय सदस्य, सिन्धुपाल्चोकका महाधिवेशन प्रतिनिधि एवम् मेलम्ची पुनर्निर्माणका अभियन्ता श्रेष्ठको नेतृत्व टोलीले गृहमन्त्री बालकृष्ण खाँड, कानुनमन्त्री ज्ञानेन्द्र बहादुर कार्की र स्वास्थ्य राज्यमन्त्री उमेश श्रेष्ठलाई ज्ञापनपत्र बुझाएको हो।
बाढीले क्षति गरेको लामो समय भइसक्दा पनि सरकारबाट आवश्यक कदमहरू नचालिएको, सवारी आवतजावतका लागि पुल नभएको, स्थायी बसोबासको प्रबन्धको उचित व्यवस्थापन नभएकाले आवश्यक कदम चाल्न ज्ञापनपत्र बुझाएको श्रेष्ठले बताए।
मेलम्ची घटनाको बिषयमा आफूहरु जिम्मेवार रहेको र तत्कालै तयारी थाल्ने गृहमन्त्री खाँडले बताए। उनले भने, ‘तत्काल चनैाटेमा बेलिबृज हाल्ने र छिट्टै मेलम्चीदेखि पाँचपोखरी थाङपाल-इन्दावती जोड्ने पुल निर्माण गरिने तथा अस्थायी र स्थायी बसोबासको लागि प्रबन्ध मिलाउने छौं।'
त्यस्तै छिट्टै प्रबन्ध मिलाएर स्थलगत अबलोकनका लागि प्रधानमन्त्री, गृहमन्त्री आउने जानकारी समेत दिएका छन्। प्रवक्ता एवम् कानुनमन्त्री र स्वास्थ्यराज्य मन्त्री पनि आवश्यक सहयोग गर्न आफूहरु तयार रहेको बताएका छन्। जुनसुकै बेलामा पनि प्राकृतिक विपत्ति सामना गर्नु पर्ने भएकाले सजक भई बस्नसमेत कानुन मन्त्री तथा स्वास्थ्य मन्त्रीले आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
