काठमाडौं– तनहुँमा जारी निषेधाज्ञा भदौ १५ गतेसम्म थपिएको छ। जिल्ला संकट व्यवस्थापन केन्द्रले यसअघि जारी निषेधाज्ञालाई १५ गतेसम्म लम्ब्याउने निर्णय गरेको हो।
सोमबार बसेको बैठकले साविककै लकडाउनलाई निरन्तरता दिने निर्णय गरेको सहायक प्रमुख जिल्ला अधिकारी चित्रांगद बरालले जानकारी दिए। उनका अनुसार यस अगाडि बिहान ५ देखि १० बजेसम्म खुल्दै आएका खाद्यान्न तथा तरकारी पसल अब बिहान ५ देखि ११ बजेसम्म खुल्नेछन्। त्यस्तै अन्य व्यवसाय बिहान ११ बजेदेखि ६ बजेसम्म खुल्दै आएकामा अब १२ बजेदेखि ६ बजेसम्म खुल्ने निर्णय भएको छ।
सार्वजनिक तथा निजी सवारी साधनलाई जोर–बिजोर लागू गरिएको छ। जिल्लामा बिहान ६ देखि साँझ ६ बजेसम्म मात्र सवारी सञ्चालनको अनुमति दिइएको छ।
प्रशासन कार्यालयले अब जिल्लामा स्मार्ट लकडाउनको तयारी गरेको छ। स्थानीय तहमा कोभिड संक्रमणको जोखिम हेरेर स्थानीय तहको सिफारिसबमोजिम स्मार्ट लकडाउन गरिने बरालले बताए।
सरकारले गत साउन १५ गते जारी गरेर भदौ १ गतेदेखि लागू हुने गरी स्मार्ट लकडाउन कार्यविधि लागू गरेको छ। संक्रमण, मृत्यु, अस्पतालको पूर्वाधार, जनस्वास्थ्य मापदण्ड कार्यान्वयनको अवस्थालाई हेरेर कार्यविधिमा चार रङमा विभाजन गरिएको छ।
तनहुँमा सोमबारसम्म सक्रिय संक्रमितको संख्या ३३३ रहेको छ। गत वैशाखयता तनहुँका चार हजार ९०५ जनामा संक्रमण भएको छ भने चार हजार ४६६ जना निको भएका छन्। तनहुँमा १०६ जना संक्रमितको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
