६ सय ९४ स्थानीय तहको खर्चमा ४६ अर्ब १२ करोड बेरुजु

अर्थ समाचार

नेपाल लाइभ शुक्रबार, भदौ ४, २०७८ २०:१२

काठमाडौं- महालेखापरीक्षकको कार्यालयले मुलुकका ६९४ स्थानीय तहले गरेको खर्चमा ४६ अर्ब १२ करोड २१ लाख रुपैयाँ बेरुजु औंल्याएको छ।

कार्यालयले गत वर्ष मुलुकको ७५३ स्थानीय तहमध्ये ६९४ वटाको लेखापरीक्षण सम्पन्न गरेको जनाएको छ। ती स्थानीय तहबाट भएका आठ खर्ब १३ अर्ब ९५ करोड ४५ लाख रुपैयाँ खर्चको लेखापरीक्षण गरिएको कार्यालयको प्रतिवेदनमा उल्लेख छ।

लेखापरीक्षणबाट ४६ अर्ब १२ करोड २१ लाख बेरुजु देखिएकोमा प्रारम्भिक प्रतिवेदन उपलब्ध गराएपछि पाँच अर्ब ८८ करोड नौ लाख रुपैयाँ फर्स्योट गरेको महालेखाको प्रतिवेदनमा उल्लेख छ। स्थानीय तहमा ४० अर्ब २४ करोड १२ लाख फर्स्योट गर्न बाँकी रहेको प्रतिवेदनमा उल्लेख छ।

फर्स्योट गर्न बाँकी रकममध्ये असुल गर्नुपर्ने पाँच अर्ब ४४ करोड २९ लाख, नियमित गर्नुपर्ने २७ अर्ब ७४ करोड ८२ लाख तथा पेस्की सात अर्ब पाँच करोड एक लाख रहेको प्रतिवेदनमा उल्लेख छ। त्यसैगरी पाँच स्थानीय तहको २०७५/७६ को तीन अर्ब १० करोड ६१ लाख रुपैयाँ खर्चको लेखापरीक्षणबाट ५९ करोड ३४ लाख बेरुजु देखिएको प्रतिवेदनमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नवीन समझदारीका लागि संवाद थाल्न दलहरुलाई राप्रपाको आह्वान

नागरिक उन्मुक्ति पार्टीलगायतका सिद्धान्त मिल्ने दलसँग एकता गर्न जनमतले बनायो कार्यदल

वुमन्स डे टी–२० : नेपाल हङकङसँग दुई रनको अन्तरले पराजित