फाइल तस्वीर
काठमाडौं– अविरल वर्षासँगै गएराति मेलम्ची खोलामा आएको बाढीले थप तीन घर बगाएको छ। मेलम्ची नगरपालिका–६ नेपाने बगरमा तीन घर बगाएको स्थानीय भीमसेन थापाले बताए।
नेपानेका स्थानीय कृष्णबहादुर, भोजबहादुर र दिपेश थापाको घर बगाएको उनले बताए। खोलामा बहाव बढेसँगै थप घर र बाटोसमेत जोखिममा रहेको स्थानीयको भनाय छ।
यसअघिकै बाढीले जोखिममा रहेका ती घरमा मानिस र सामान भने नरहेको जिल्ला प्रहरी कार्यालयका सूचना अधिकारी प्रहरी नायब उपरीक्षक दक्षकुमार बस्नेतले बताए।
गत असार १ गतेपछिको बाढीका कारण हलसम्म १११ घरटहरा बगाइसकेको छ। गत असार १, साउन १६ पछिका निरन्तर बाढीले पाँच जनाको मृत्यु भएको छ। हालसम्म छ जना घाइते भएका छन् भने २० जना बेपत्ता छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
