विद्युतीय भुक्तानीलाई प्रवर्द्धन गर्न राष्ट्रिय भुक्तानी स्वीच स्थापना गर्दै राष्ट्र बैंक

अर्थ समाचार

नेपाल लाइभ शुक्रबार, साउन २९, २०७८ १७:५५

काठमाडौं– नगदरहित कारोबारको प्रवर्द्धनमा जुटेको नेपाल राष्ट्र बैंकले राष्ट्रिय भुक्तानी स्वीच स्थापना गर्ने भएको छ।

केन्द्रीय बैंकले शुक्रबार मौद्रिक नीति सार्वजनिक गर्दै २०७९/८० लाई विद्युतीय भुक्तानी कारोबार प्रवद्र्धन वर्षका रूपमा मनाउने लक्ष्य राखेको छ। त्यसका लागि चालु अवमा आवश्यक पूर्वाधारको विकास र चेतना अभिवृद्धिमा जोड दिने नीतिमा उल्लेख छ।

विद्युतीय भुक्तानीका उपकरणबीच अन्तरआबद्धता कायम गर्दै नेपालभित्र हुने भुक्तानी कारोबारहरूको राफसाफ तथा अभिलेखीकरण गर्न र नेपालको आफ्नै भुक्तानी कार्ड प्रयोगमा ल्याइने विषयलाई नीतिले समेटेको छ। विद्युतीय भुक्तानी प्रणालीको समग्र इकोसिस्टमको विकास र प्रवद्र्धनमा लगानी गर्ने भुक्तानी सेवा प्रदायक तथा भुक्तानी प्रणाली सञ्चालक र सञ्चार सेवा प्रदायक संस्थालाई विशेष पुनरकर्जा उपलब्ध गराइने गभर्नर महाप्रसाद अधिकारीले बताए।

सरकारले प्राप्त गर्ने राजस्व र सबै प्रकारका भुक्तानी बैंकिङ तथा विद्युतीय भुक्तानीका माध्यमबाट गर्ने व्यवस्थाको लागि आवश्यक सहजीकरण गर्न केन्द्रीय बैंकले आवश्यक व्यवस्था मौद्रिक नीतिमा उल्लेख छ।

भुक्तानी सेवा प्रदायक तथा भुक्तानी प्रणाली सञ्चालक संस्थाको कारोबारको दायरा बढाई लघुवित्त वित्तीय संस्था र सहकारीका ग्राहक समक्षसमेत विद्युतीय भुक्तानी सेवा पुर्‍याउन प्रोत्साहन गर्ने नीतिमा उल्लेख छ।

नगद कारोबारको विद्यमान सीमालाई बचत तथा ऋण सहकारी संस्थासमेतमा प्रभावकारी कार्यान्वयन गर्न आवश्यक समन्वय गर्दै बैंक तथा वित्तीय संस्थामा कर्जाको आवेदनदेखि स्वीकृति गर्नेसम्मको प्रक्रियालाई विद्युतीय माध्यमबाट गर्ने व्यवस्थाका लागि सहजीकरण गर्न डिजिटल कर्जा मार्गदर्शन तर्जुमा गरी कार्यान्वयनमा ल्याइनेसमेत नीतिमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा-मुग्लिन सडक विस्तार : पश्चिमखण्डमा ४३ प्रतिशत भौतिक प्रगति

प्रतिनिधिसभा बैठक बस्दै, यस्तो छ कार्यसूची