५ ठेकेदार कम्पनी र २ आपूर्तिकर्ता १ देखि २ वर्षसम्मलाई कालो सूचीमा (सूचीसहित)

अर्थ समाचार

नेपाल लाइभ बिहीबार, साउन २१, २०७८ १७:४१

सार्वजनिक खरिद अुनमगन कार्यालय, फाइल तस्वीर

काठमाडौं– सरकारले ७ वटा निर्माण व्यवसायी (ठेकेदार) तथा आपूर्तिकर्तालाई कालो सूचीमा राखेको छ।

सार्वजनिक खरिद अुनमगन कार्यालयले ५ वटा निर्माण कम्पनी र २ वटा सप्लायर्सलाई १ देखि २ वर्षका लागि कालो सूचीमा राखेको हो।

कारागार व्यवस्थापन विभागको सिफारिसमा काठमाडौंको शान्तिनगर ठेगाना भएको एके एण्ड गान्था कन्स्ट्रक्सनलाई २ वर्षको लागि कालो सूचीमा राखिएको छ।

यस्तै, पर्वतको कुश्मा ठेगाना भएको कालिगंगा निर्माण सेवा, इलामको फाकफोकथुम ठेगाना भएको कण्टा निर्माण सेवा, कैलालीको धनगढी ठेगाना भएको लाटिनाथ कन्स्ट्रक्सन सेवा र सुनसरीको इनरुवा गेठाना भएको आविद निर्माण सेवालाई १–१ वर्षका लागि कालो सूचीमा राखिएको हो।

कार्यालयले उदयपुरको अम्बा सप्लायर्स र काभ्रेको बिक्रम खाद्य स्टोरलाई पनि १–१ वर्षका लागि कालो सूचीमा राखेको छ।

सार्वजनिक खरिद अनुगमन कार्यालयले सार्वजनिक खरिद ऐन २०६३ को दफा ६३ को उपदफा (१) बमोजिम १ वर्षदेखि २ वर्षसम्म सार्वजनिक निकायको कुनै पनि खरिद कारबाहीमा भाग लिन नपाउने ठेकेदार कम्पनी र आपूर्तिकर्तालाई कालो सूचीमा राखेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुनको मूल्य तोलामा ६ सय रुपैयाँले बढ्यो, कतिमा हुँदैछ कारोवार ?

एमाले पार्टी कार्यालयमा धर्ना दिँदै आन्दोलनरत शिक्षकहरू

पाकिस्तानमा रेल अपहरणः एक सय बढीको उद्धार, २१४ यात्रु अझै बन्धक