फाइल तस्वीर
काठमाडौं– सिन्धुपाल्चोकको मेलम्ची नदीमा शनिबार राति पुनः बाढी आएको छ। बाढीले हेलम्बु गाउँपालिका तथा मेलम्ची नगरपालिकाका केही घरमा क्षति पुर्याएको छ।
त्यसैगरी, शनिबारको बाढीले ग्याल्थुमस्थित सरस्वती उच्च माविमा क्षति पुर्याएको छ भने तालामाराङको प्रहरी चौकीसमेत कटान गरेकाले प्रहरीहरु विस्थापित भएका छन्।
यसपटक पनि लेदो माटोसहितको बाढी आएको स्थानीयले बताएका छन्। यसअघि असार १ गतेको बाढीले भौतिक तथा मानवीय क्षति पुगेको मेलम्चीमा पुनः आएको बाढीले जनतामा त्रास भने थप्ने काम गरेको छ। बाढीका कारण ५ जनाको मृत्यु भएको थियो भने १५ जना अझै बेपत्ता छन् ।
शनिबारको बाढीले रेडियो मेलम्चीको भवनसमेत बगाएको छ भने यसअघिको बाढीले भत्काएको इन्द्रावती नदीको पुल समेत बगाएको छ।
बहाव एक्कासी बढेपछि साइरन बजाएर तटीय क्षेत्रका बासिन्दालाई सचेत गराइएको थियाे। साइरन जडान गरिएका कारण मानिसहरु भने राति नै माथिल्लो क्षेत्रतर्फ लागेका थिए।
खोलामा बाढी आएको भन्दै मेलम्ची खोला तटीय क्षेत्रका बासिन्दालाई हेलम्बु गाउँपालिका अध्यक्ष निमा ग्याल्जेन शेर्पाले सचेत गराएका छन् । गत असार १ जत्तिकै आवाजमा खोलामा बाढी आएको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
