काठमाडौं- चाइनिज ड्रामा नेपाली युवाको मन मस्तिष्कमा डेरा जमाउन सफल छ। उनीहरू चाइनिज ड्रामा र कलाकारका निकै ठूला फ्यानसमेत बनेका छन्। पहिले भाषा नबुझेकाले चीनसँग टाढिएको कला अहिले सबटाइटलले जोड्ने कोसिस गरिरहेको छ।
नेपालको छिमेकी राष्ट्र भए पनि चीनसँग भाषा र संस्कृति मिल्दैन। त्यसैले दक्षिणमा भएको छिमेकी राष्ट्र भारतका कलाकारमा हामी जति चासो दिन्छौं, चीनका कलाकारमा त्यति चासो दिदैनौं। तर, विस्तारै यो भाषाको बन्धन हटेको कुरा हामी हालै घटेको एक घटनाबाट थाहा पाउन सक्छौं। किनभने चीनका एक चर्चित कलाकारले यौन शोषण गरेको कुराले नेपाली युवाहरूको मथिंगलमा स्थान पाएको छ।
भारतमा व्यवसायी राज कुन्द्राको पोर्न भिडियोसम्बन्धी मुद्दा हामी नेपालीका लागि जति चासोको विषय बनेको छ, त्यति नभए पनि चाइनिज ड्रामा हेर्नेहरू भने हैरान बनेका छन्। किनभने, उनीहरूको प्रिय र मनपर्ने अभिनेतामाथि ‘मीटू’को आरोप लागेको छ।
चीनका चर्चित अभिनेता तथा गायक क्रिस वु यतिबेला ३१ जना केटीको मीटू आरोप खेपिरहेका छन्। ती युवतीहरूले वुको यौन शोषणमा परेको बताएका छन्। त्यसैगरी वुसँगै विभिन्न ड्रामामा काम गर्ने अभिनेत्रीहरूले पनि उनीबारे नकारात्मक टिप्पणी गरिरहेका छन्। उनलाई ‘टिनएज केटीमा आँखा लगाउने मान्छे’ भनेर चीनका सामाजिक सञ्जालहरूमा गाली गरिरहेका छन्।
यो घटना बाहिरिएसँगै क्रिस वुले धेरै कम्पनीसँगको सम्झौताबाट हात धुनुपरेको छ। हालसम्म उनलाई १४ वटा कम्पनीले सम्झौता रद्द गरेको घोषणा गरिसकेका छन्। यो क्रम अझै जारी छ।
सामाजिक सञ्जाल मात्रै हैन, चीनका ठूला सञ्चार माध्यमले समेत युवतीहरूकै पक्ष लिएको छ। उनीहरूले क्रिसको विरुद्धमा विभिन्न क्याम्पियनसमेत चलाइरहेका छन्। चीनका सञ्चार माध्यमहरूले विशेष गरेर १९ वर्षीय कलेज विद्यार्थी डु मेइजुले साथ दिएका छन्।
उनलाई ३१ जना युवतीले आफू मदिराले बेहोस भएको समयमा यौन शोषण गरेको आरोप लगाएका छन्। क्रिस क्यानडामा जन्मिएका क्यानेडियन नागरिक हुन्। त्यसैले आरोप लगाउने युवतीहरू एक ढिक्का भएर उनलाई चीन छाड्न दबाब दिइरहेका थिए। उनीहरूले चीनमा ‘गर्ल्स फर गर्ल’ अर्थात् ‘केटीहरू केटीका लागि’ भन्ने अभियानसमेत चलाए।
सामाजिक सञ्जाल मात्रै हैन, चीनका ठूला सञ्चार माध्यमले समेत युवतीहरूकै पक्ष लिएको छन्। उनीहरूले क्रिसको विरुद्धमा विभिन्न क्याम्पियनसमेत चलाइरहेका छन्। चीनका सञ्चार माध्यमहरूले विशेष गरेर १९ वर्षीय कलेज विद्यार्थी डु मेइजुले साथ दिएका छन्। उनले विशेष रूपमा क्रिस वुमाथि कडा आरोप लगाएकी थिइन्। उनले आफूमाथि सहमतिबेगर यौन सम्पर्क गरेको भन्दै सबैभन्दा पहिला सामाजिक सञ्जालमा आवाज उठाएकी थिइन्।
८ जुलाईदेखि मेइजुले लगातार सामाजिक सञ्जालमा क्रिस वुको बारेमा लेख्न थालिन्। विभिन्न अनलाइनमा गएर अन्तवार्ता पनि दिइन्। हालै भने, उनले दिएका प्रमाणमा नै प्रहरीले शंका गर्न थालेको छ।
मेइजुसँग क्रिस वुको मेरो भेट दुई वर्षअघि १७ वर्षको उमेरमा भएको थियो।
मेइजुको भनाइअनुसार क्रिस वुले केही साथीहरूसँगै उनलाई घरमा बोलाए। जबरजस्ती रक्सी खान लगाए। सबै साथीहरू घर गएपछि क्रिसले जबरजस्ती यौन सम्पर्क गरे। उनी रक्सीले बेहोस भएको समयमा यौन सम्पर्क गरेको मेइजुको भनाइ छ। यी कुरामा चीनको प्रहरीले उल्टै मेइजुमाथि अनुसन्धान सुरू गरेपछि उनले हालै, आफू यी कुराबाट थाकेको बताएकी छन्। सामाजिक सञ्जालमा स्टोरी राख्दै यो मुद्दा टुङ्ग्याउन आग्रह गरेकी छन्।
मेइजुको आरोपलाई वुले अस्वीकार गरे। तर, मेइजुले जस्तै उनकै उमेरका अन्य ३१ जना युवतीले आफूमाथि त्यस्तै घटना घटेको बताएका छन्। यो कुराले चीनमा अर्को एउटा कुरामा छलफल भइरहेको छ। सहमतिको यौन सम्पर्क र असहमतिको यौन सम्पर्क। क्रिस वुले सहमतिमा भएको बताएका छन् भने अन्य युवतीले बेहोसको समयमा बिनासहमति यौन सम्पर्क भएको बताएका छन्।
क्रिस वु, चीनका चर्चित कलाकार हुन्। उनी चाइनिज ड्रामा हेर्ने दर्शकका प्रिय अभिनेता पनि हुन्। नेपाल र भारतमा उनका लाखौं फ्यान छन्।
चीनमा १८ वर्षसम्मकालाई बालबालिका मानिन्छ। तर, सहमति भएमा १४ वर्षको उमेरमा गरिएको यौन सम्पर्कलाई पनि कानुनतः सही मानिन्छ।
त्यसैले यसमा चीनको प्रहरीले मेइजुको तथ्यमा छानविन गरिरहेका छन्। प्रहरीलगायत अन्य न्यायिक संगठनले क्रिस वुको पक्षमा फैसला सुनाएका छन्।
सबैले एकै आरोप लगाएका छन्, मेइजुले चर्चा कमाउनका लागि झुटो आरोप लगाइन्। उनले विभिन्न सञ्चार माध्यममा गएर चर्चा कमाउन र सामाजिक सञ्जालमा ‘फलोअर्स’ बढाउन यस्तो आरोप लगाएको प्रहरी र न्यायिक संगठनको ठहर छ।
चीनका विभिन्न महिला अधिकारबारे काम गर्ने संघसंस्थाले भने फैसलाको विरोध गरेका छन्। प्रहरीको यो फैसला पितृसतात्मक सोचाइको उपज भएको उनीहरूले बताएका छन्। 'जब महिला बोल्छन्, तब चर्चाका लागि बोलेको आरोप लगाइन्छ', चीनका महिलावादीहरूले भनेका छन्।
क्रिस वु, चीनका चर्चित कलाकार हुन्। उनी चाइनिज ड्रामा हेर्ने दर्शकका प्रिय अभिनेता पनि हुन्। नेपाल र भारतमा उनका लाखौं फ्यान छन्। क्रिसका ह्याप्पी क्याम्प, द नेक्स्ट लप ब्याङ, सेभेन्टी टु आवर्स अफ मिस्ट्री, च्यालेन्जर्स अलाइन्स, द र्याप अफ चाइना लगायतका ड्रामा निकै प्रख्यात छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752043710.jpg)
-1752245592.jpg)
-1749826086.png)
