महन्थपक्ष सर्वोच्च जानु पराजित मानसिकता : महेन्द्र राय यादव

राजनीति

नेपाल लाइभ शनिबार, साउन ९, २०७८ ०८:२४

काठमाडौं- जनता समाजवादी पार्टी(जसपा) उपेन्द्र यादव-बाबुराम भट्टराईपक्षका नेता महेन्द्र राय यादवले महन्थ ठाकुर पक्षले जसपा विवादका विषयमा सर्वोच्च अदालतमा रिट हाल्नु पराजित मनसिकताको उपज भएको बताएका छन्।

निर्वाचन आयोगले जसपा आधिकारिकताका विषयमा फैसला गर्न नपाउँदै सर्वोच्च अदालतमा मुद्दा हालेर छेकवार गर्न खोजिएको यादवले जिकिर गरे। जसपा आधिकारिकता केही दिन भित्रै टुङ्गिन लाग्दा ठाकुर पक्ष सर्वोच्च पुगेको हो।

'नागरिकतासहित निर्वाचन आयोग आउन कार्यकारिणी सदस्यलाई भनिएको छ' नेपाल लाइभसँग कुरा गर्दै यादवले भने, 'त्यो निर्वाचन आयोगको फैसलालाई प्रभाव पार्नेगरी सर्वोच्चमा मुद्दा हालियो। निर्वाचन आयोगबाट आफू अनुकुल फैसला नआउने देखिएपछि पराजित मानसिकताले मुद्दा हालियो।'

निर्वाचन आयोगले फैसला दिएमा सर्वोच्च अदालत जानु स्वभाविकै भएपनि फैसलाको नआउँदै रिट हाल्नुलाई उचित मान्न नसकिने यादवले बताए।

आयोगले कार्यकारिणी समिति सदस्यलाई परिचय पत्रको सक्कल प्रतिसहित उपस्थित हुन आदेश गरेको भोलिपल्ट अध्यक्ष महन्थ ठाकुरले शुक्रबार सर्वोच्च अदालतमा रिट दायर गरेका छन्।

आयोगले बिहीबार सुनाएको आदेशानुसार पार्टी आधिकारिकताको निर्णय आफ्नो पक्षमा नआउने देखिएपछि ठाकुर सर्वोच्च अदालत पुगेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हाजिरी जमानीमा छुटेका महामन्त्री राणा जनप्रदर्शनमा सहभागी

माइतीघरमा सहकारी पीडितको ‘अर्धनग्न’ विरोध प्रदर्शन

वर्गीकरण थालेपछि बञ्चरेडाँडा लगिने फोहर घट्यो