फाइल तस्वीर।
काठमाडौं- नेकपा (एमाले)का नेता टोपबहादुर रायमाझीसहितका नेताहरूले माओवादी केन्द्र अवैधानिक भन्दै निर्वाचन आयोगमा दिएको निवेदन आयोगले खारेज गरेपछि नेकपा माओवादी केन्द्रले त्यसको स्वागत गरेको छ।
निर्वाचन आयोगले संविधान कानुन र दल सम्बन्धी ऐन अनुसार फैसला गरेको भन्दै स्वागतयोग्य निर्णय भएको माओवादी केन्द्रका स्थायी समिति सदस्य देव गुरुङले बताए।
‘साथीहरूले विरोधका लागि विरोध गर्ने कुरा भयो। त्यसको अर्थ र औचित्य थिएन। वैचारिक, राजनीतिक र नैतिकता रुपमा पतन भइसकेपछि संविधान विपरीत खालका कुरा गर्नु भएको हो’ नेपाल लाइभसँग कुरा गर्दै गुरुङले भने, ‘निर्वाचन आयोगले जे ठहर गरेको छ। त्यो स्वागतयोग्य छ। संविधान कानुन र दल सम्बन्धी ऐन अनुसार फैसला भएको छ। त्यसमा हामी खुशी नै छौं।’
यसअघि रायमाझीसहित लेखराज भट्ट, मणि थापा, प्रभु साह, गौरीशंकर थारुलगायत नेताहरूले माओवादी अवैधानिक भन्दै निर्वाचन आयोगमा उजुरी दिएका थिए।
निर्वाचन आयोगले माओवादी पार्टी वैधानिक भएको ठहर गरेलगत्तै त्यसकाविरुद्ध पूर्वमाओवादी समूहका नेताहरू सर्वाेच्च अदालत जाने निर्णय गरेका छन्।त्यस विषयमा गुरुङले आपत्ति जनाए। माओवादीबाट एमाले प्रवेश गरेका नेताहरू फेरि सर्वोच्च अदालतमा मुद्दा हाल्ने विषय टिप्पणी गर्नलायक समेत नभएको उनले जिकिर गरे।
‘कतिपय हाम्रा पूर्वसहकर्मीको निर्णय टिप्पणी गर्न लायक पनि छैन। त्यही माओवादीबाट पदाधिकारी बन्ने, जनताबाट निर्वाचित भएर सांसद र मन्त्री हुँदा वैधानिक हुने’ गुरुङले भने, ‘अहिले आएर कसरी माओवादी अवैधानिक भयो?’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775885529.png)
-1764146706.png)
-1775575666.png)
