माधव नेपालले आफूपक्षीय सांसदहरूसँग भने- नयाँ पार्टी बनाउने रहर होइन, बाध्यता हो

राजनीति

नेपाल लाइभ शनिबार, असार १९, २०७८ १८:२४

काठमाडाैं- नेकपा (एमाले)का वरिष्ठ नेता माधवकुमार नेपालले नयाँ पार्टी बनाउने रहर नभएको तर बनाउनुपर्ने बाध्यता आइपरेको बताएका छन्। उनले शनिबार आफूपक्षीय सांसदहरूसँगको बैठकमा यस्तो बताएका हुन्।

उनले पार्टी अध्यक्ष एवं प्रधानमन्त्री केपी शर्मा ओलीले पार्टी एक हुन नदिन अनेक षड्यन्त्र गरिरहेको बताए। 'एमालेमै रहने हाम्रो चाहना हो। तर अर्को पार्टी बनाउने बाध्यता हामीमा आएको छ,' नेता नेपालको भनाइ उद्धृत गर्दै बैठकमा सहभागी एक सांसदले नेपाल लाइभसँग भने।

नेता नेपालले सर्वोच्चमा दायर रिटमा २३ जना सांसदले गरेको हस्ताक्षर कुनै पनि हालतमा फिर्ता नलिने बताएको ती सांसदले बताए। 'उहाँले बरु पार्टी जेसुकै होस् २३ जना सांसदको हस्ताक्षर कुनै पनि हालतमा फिर्ता नलिने बताउनुभयो,' उनले भने।

नयाँ पार्टीको नामबारे केही टुंगो नलागे पनि सबै कम्युनिस्टहरुलाई अटाउने गरी पार्टी बनाउने तयारी भएको उनले बताए। नेत्रविक्रम चन्द, मोहनविक्रम, नारायणमान बिजुक्छेलगायत सबै कम्युनिस्ट नेतालाई अटाउनेबारे छलफल भइरहेको उनले बताए। सबैको सहमतिमा नै नयाँ पार्टी बनाउन पहल गर्ने नेता नेपालले बताएको ती सांसदको भनाइ थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना