ओलीले केन्द्रीय कमिटीमा भने- फैसला हुँदासम्म जसले हस्ताक्षर फिर्ता लिन्नन्, ती एमाले होइनन्

राजनीति

नेपाल लाइभ शनिबार, असार १९, २०७८ १७:४१

काठमाडाैं- प्रधानमन्त्री एवं नेकपा (एमाले)का अध्यक्ष केपी शर्मा ओलीले पार्टीमा नआउनेलाई अब नपर्खिने बताएका छन्।

शनिबार बालुवाटारमा बसेको एमाले केन्द्रीय कमिटीको बैठकलाई सम्बोधन गर्दै उनले यस्तो बताएका हुन्। उनले अदालतको फैसला हुँदासम्म हस्ताक्षर फिर्ता नगर्ने एमालेका नेता-कार्यकर्ता नरहने बताए।

'जेठ २ मा फर्कियौं, त्यो भनेको यही हो। जो आउँदैन, अर्को पार्टीमा जानेलाई पर्खिने होइन। यात्रामा अगाडि पनि साथी भेटिन्छन्,' प्रधानमन्त्री ओलीले भने।

उनले वरिष्ठ नेता माधवकुमार नेपाललाई प्रतिपक्षी मोर्चामा हस्ताक्षर गरेर हिँड्नेको हैसियत के हुन्छ भनी आफूले सोधेको बताए। 'माधव नेपाललाई भनेँ- प्रतिपक्षी मोर्चामा हस्ताक्षर गरेर हिँड्नेको हैसियत के हुन्छ? लुकेको कुरा होइन,' उनले भने, 'अदालतको फैसला हुँदासम्म जो जसको हस्ताक्षर रहन्छ, ती एमालेका नेता-कार्यकर्ता होइनन्।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना