काठमाडाैं- भौतिक दूरीको नियम अवज्ञा गर्दै आफ्नै सहयोगीलाई चुम्बन गरेको तस्वीर सार्वजनिक भएपछि बेलायतका स्वास्थ्यमन्त्री म्याट हेनककले राजीनामा दिएका छन्। कोरोना भाइरसको संक्रमण नियन्त्रण लागि सरकारले लागु गरेको सामाजिक दूरीको नियम उल्लंघन गरेपछि उनले मन्त्री पदबाट राजीनामा दिनु परेकाे हाे।
हेनककले शनिबार प्रधानमन्त्री बोरिस जोन्सनलाई पत्र लेखेर राजीनामा दिएका हुन्।
प्रधानमन्त्री जोन्सनलाई बुझाएको राजीनामा पत्रमा हेनककले लेखेका छन्, ‘म बुझ्छु कि यस देशका सबैले ठूलो त्याग गरेका छन्। सरकार यो महामारीका बेला धेरै कुरा त्याग गरेका नागरिकप्रति ऋणी छ। हामी मध्ये जो यी नियमहरू बनाउँदछन् तिनीहरूलाई पालन गर्नैपर्छ। त्यसैले मैले राजीनामा गर्नुपर्यो।’
४३ वर्षकी गिना कोलाडान्गेलोलाई हानककले गतवर्ष आफ्नो सहयोगी नियुक्त गरेका थिए। एक महिनाअघि ४२ वर्षका हानकक लण्डनस्थित स्वास्थ तथा समाज कल्याण विभागको हेडक्वाटरमा डिप किस गरिरहेको अवस्थामा क्यामेरामा कैद भएका थिए ।
स्रोतका अनुसार १५ वर्ष लामो वैवाहिक सम्बन्धमा धोका दिएर बाहिरी युवतीसँगको सम्बन्धमा मन्त्री हानकक छन्। यता, कोलडान्गेलो पनि विवाहित हुन्। उनी तीन सन्तानकी आमासमेत हुन्।
द सन पत्रिकाले हानकक र उनकी सहयोगीले चुम्बन गर्दै गरेका तस्वीर छापेको थियो। स्वास्थ्य मन्त्रालय भित्रै मे ६ मा सो तस्वीर खिचिएको द सनले बताएको छ।
‘उनीहरुले यस कुरालाई गोप्य राख्ने प्रयास गरेका छन्। तर, भित्र के हुन्छ भन्ने हामी सबैलाई थाहा छ,’ स्रोतलाई उद्धृत गर्दै द सनले लेखेको छ।
गिनाले पनि स्वास्थ्य मन्त्रालयको जिम्मेवारी छोड्ने भएकी छन्।
‘म मार्गनिर्देशन भंग भएकोमा पुन: माफी माग्न चाहन्छु। मैले चाहेको अन्तिम कुरा भनेको मेरो निजी जीवन यस संकटबाट बाहिर लैजान एकल दिमागमा ध्यान केन्द्रित गर्नु हो। मलाईं पनि यस समयमा मेरा बच्चाहरुसँग रहनु छ,’ आफ्नो राजीनामा पत्रमा हेनककले भनेका छन् ।
यता, बेलायती प्रधानमन्त्री जोन्सनले स्वास्थ्यमन्त्रीबाट यस्तो पत्र पाउँदा दुःख लागेको बताएका छन्। हेनकक पछिल्लो तीन वर्षदेखि बेलायतको स्वास्थ्यमन्त्री थिए। कोरोना महामारी नियन्त्रणको लागि सुरुआतमा उचित कदम चाल्न नसकेको भन्दै उनको आलोचना भएको थियो।
यद्यपि, प्रधानमन्त्री जोन्सन र हानककले बेलायतमा कोराेना महामारीविरुद्धको अभियानमा नेतृत्वदायी भूमिका निर्वाह गर्दै आएका थिए। यसैक्रममा उनीहरु कोरोना भाइरसबाट संक्रमतिसमेत भएका थिए।
सरकारले अहिलेसम्म बेलायतमा ८४ प्रतिशत वयस्क नागरिकले कोरोना खोपको कम्तीमा एक डोज लगाएका छन् भने ६१ प्रतिशतले पूरा डोज खोप लिइसकेका छन्। अब साजिद जाविद नयाँ स्वास्थ्यमन्त्री पक्का भएको पनि प्रधानमन्त्री जोन्सनको कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
