काठमाडौं– नेपाल कम्युनिस्ट पार्टी (नेकपा) को सरकारमा सहभागी हुन संघीय 8वादी फोरमले परराष्ट्र मन्त्रालय पाउनुपर्ने निर्णय गरेको छ।
संसदीय दलको उक्त निर्णयपछि अध्यक्ष उपेन्द्र यादव उक्त मन्त्रालय आफूहरुलाई दिनेबारे छलफलका लागि प्रधानमन्त्री केपी शर्मा ओलीसँग भेट्न बालुवाटार हिँडेका छन्। बालुवाटारमा नेकपाका अध्यक्षद्वय ओली र पुष्पकमल दाहालसँग यादवको छलफलपछि आज मन्त्रिपरिषद् विस्तार गर्ने तयारी भइरहेको स्रोतको भनाइ छ।
हाल परराष्ट्रमन्त्रीमा प्रदीप ज्ञवाली कार्यरत रहेका छन्। ज्ञवालीलाई स्वास्थ्य मन्त्रालयको जिम्मेवारीमा सार्दै यादवलाई उक्त मन्त्रालय दिने बारेमा नेकपाभित्र समेत छलफल सुरु भएको छ।
पार्टी कार्यालय बालकुमारीमा बसेको फोरम संसदीय दलको बैठकले परराष्ट्र मन्त्रालयको जिम्मेवारी यसअघि दिने भनी सहमति भएकाले उक्त सहमति अनुसार सो मन्त्रालय खाली हुनुपर्ने निर्णय गरेको छलफलमा सहभागी एक नेताले बताए। फोरमले तीन मन्त्री पाउने सहमति नेकपासँग भएको छ।
अध्यक्ष यादवका लागि परराष्ट्र मन्त्रालय दिनुपर्ने फोरमले अडान राखेको छ भने अर्को मन्त्रालयमा सहरी विकास पनि लिन सकिने बैठकको निष्कर्ष छ। फोरमका सांसद मोहमद इस्तियाक राईका अनुसार मन्त्री छान्ने जिम्मा अध्यक्ष यादवलाई नै दिइएको छ। यादवले आजै प्रधानमन्त्री ओली र अध्यक्ष पुष्पकमल दाहालसँग भेटेर सरकार विस्तारलाई टुंगोमा पुर्याउने तयारी गरेका छन्।
यादवले सरकारमा जाने व्यक्तिहरुको बारेमा तीन वटा मोडल तयार गरेका छन्। सरकारमा जान यादवसहित राजेन्द्र श्रेष्ठ, रेणुदेवी यादव, मोहम्मद इस्तियाक राई लगायतका नेताहरुको चर्चा पार्टीभित्र चलेको छ। तर नाममा समहति हुन नसकेपछि छान्ने अधिकार अध्यक्ष यादवलाई नै संसदीय समितिले दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
