काठमाडौं- प्रमुख प्रतिपक्ष नेपाली कांग्रेसले सरकारले मंगलबार प्रस्तुत गरेको आर्थिक वर्ष २०७५/०७६ को बजेटबारे १४ बुँदामा आलोचना गरेको छ।
बुधबार पार्टी कार्यालय सानेपामा पत्रकार सम्मेलन गर्दै उसले बजेटप्रति आफ्नो धारणा सार्वजनिक गरेको हो। प्रमुख प्रतिपक्षी दलका नाताले मुलुकको समृद्धिका लागि रचनात्मक सहयोग गर्नु आफ्नो कर्तव्य भन्दै उसले बजेटमा रहेको अन्योल, विरोधाभाष र कमजोरी औल्याउनु दायित्व भएको दाबी समेत गरेको छ।
कांग्रेसले सहज राजनीतिक अवस्थामा बहुमतप्राप्त सरकारले जुन इच्छाशक्ति, भिजन र कार्यक्रमसाथ बजेट आउनुपर्थ्यो, त्यसरी आउन नसकेको टिप्पणी गरेको छ। वाम दलले कांग्रेसको नीतिको आलोचना गर्दै निर्वाचनमा जाने र सत्तामा आएपछि त्यही नीति पछ्याउँदै बजेट ल्याएको टिप्पणी समेत गरिएको छ। बजेटलाई कांग्रेसले ‘वायुपंखीको नारा, कछुवा शैलीको परिणाम’ को संज्ञा दिएको छ।
पत्रकार सम्मेलनमा कांग्रेस प्रवक्ता विश्वप्रकाश शर्माले प्रधानमन्त्री केपी शर्मा ओलीको आजको अभिव्यक्तिप्रति लक्षित गर्दै 'ओहदा अनुसार बोल्न' आग्रह गरे। प्रधानमन्त्री ओलीले नेपाल राष्ट्रिय शिक्षक संगठनको १२औं महाधिवेशनको क्रममा बोल्दै 'बजेटलाई हावादारी भन्ने कांग्रेस नै हावादारी भएको' टिप्पणी गरेका थिए।
प्रवक्ता शर्माले विगतमा जनप्रतिनिधिविहीन भएको अवस्थामा सांसदलाई विकाससँग जोडिन सांसद विकास कोषको व्यवस्था गरिएको अवस्था औंल्याउँदै हाल सांसदलाई रकम विनियोजन गर्नु उपयुक्त नभएको धारणा राखे।
यस्ता छन् बजेटबारे कांग्रेसका १४ बुँदे टिप्पणी:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
