आगामी सोमबारदेखि बैंकहरु पूर्णरुपमा सञ्चालन हुने

अर्थ समाचार

नेपाल लाइभ शुक्रबार, असार ४, २०७८ १२:०१

काठमाडौं– आगामी सोमाबार (असार ७) देखि बैंक तथा वित्तीय संस्था पूर्ण रुपमा सञ्चालनमा आउने भएका छन्। नेपाल बैंकर्स संघको बिहीबार सम्पन्न कार्यसमितिको बैठकले आगामी सामेबारदेखि सबै खाले बैंकिङ कारोबार गर्ने निर्णय गरेको हो।

कोरोना सङ्क्रमणले गर्दा झन्डै दुई महिनासम्म सीमति सेवा दिँदै आएका बैंकहरु अब स्थानीय प्रशासनको निर्देशनअनुसार पूर्ण रूपमा सञ्चालन हुने संघका कार्यकारी निर्देशक अनिल शर्माले बताए।

निषेधाज्ञा खुुकुलो हुँदै गएकाले असार ७ गतेपछि बैंकहरू पूर्ण रूपमा चलाउने निष्कर्षमा बैंकरहरू पुगेका हुन्। अहिले निषेधाज्ञा कारण आलोपालो गरी खुलेका शाखाहरुले निक्षेप झिक्ने र राख्ने सेवा मात्र उपलब्धगराएका छन्।

सोमबारदेखि ५० हजारभन्दा कमको निक्षेप पनि स्वीकार गरिने संघले निर्णय गरेको छ। यसअघि बैंकमा भीडभाड बढेको भन्दै राष्ट्र बैङ्कको सहमतिमा ५० हजारभन्दा कमको निक्षेप नलिने निर्णय भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माल्दिभ्सका विद्यार्थी नेपालमा चिकित्सा शिक्षा अध्ययन गराउन द्विपक्षीय सम्झौताको तयारी

गोरखाको इतिहास अध्ययन र प्रवर्द्धन गर्न ‘स्रष्टा पदयात्रा’

प्रचण्ड र तत्कालीन सरकार मिलेर राजा वीरेन्द्रको वंशनाश गरे : ज्ञानेन्द्र शाही