कर्णाली प्रदेशमा सवारी चलाउँदै हुनुहुन्छ, कति तिर्नुपर्छ कर?

अर्थ समाचार

नेपाल लाइभ बुधबार, असार २, २०७८ १६:१९

काठमाडौं- कर्णाली प्रदेश सरकारले आगामी आर्थिक २०७८/०७९ को बजेटसँगै ल्याएको आर्थिक ऐन २०७८ मार्फत सवारी साधनको वार्षिक कर तय गरेको छ। प्रदेश सरकारले सवारी साधनको वार्षिक करमा खासै परिर्वतन गरेको छैन।

प्रदेशले कार, जिप, भ्यान तथा माइकोबसको सवारी साधन कर सिसिका आधारमा तय गरेको छ। जसमा १००० हजार सिसिसम्मको १९ हजार, १००१ सिसिदेखि १५०० सिसिम्मिको हकमा २१ हजार, १५०१ देखि २ हजारसम्मको २३ हजार, २००१ देखि २५०० सिसिसम्मको ३२ हजार, २५०१ देखि २९०० सिसिसम्मको ३७ हजार र २९०१ देखि माथिको हकमा ५३ हजार रुपैयाँ सवारी साधन कर तय गरेको छ।

यसैगरी डोजर, एक्साभेटर, लोडर, रोलर, ट्रिपर र क्रेनजस्ता मेशिनरी उपकरणको ३५ हजार रुपैयाँ र मिनीट्रिपरको २५ हजार रुपैयाँ सवारी कर ताकेको छ।

साथै थ्रीहिलर र टेम्पोको ५ हजार ट्र्याक्टरको ४ हजार, पावर टिलरको ३ हजार, मिनिट्रक/मिनिबसको २२ हजार र ट्रक/बसको ३० हजार रुपैयाँ वार्षिक कर ताकेको छ।

यसैगरी मोटरसाइकमा १२५ सिसिसम्मको २५ सय, १२६देखि २५० सिसिसम्मको हकमा ४ हजार, २५१ देखि ४०० सिसिसम्मको हकमा ८ हजार, ४०१ सिसिभन्दा माथिको हकमा १५ हजार रुपैयाँ वार्षिक कर तय गरेको छ।

यसैगरी सार्वजनिक सवारी साधनको रुपमा प्रयोग हुने कार, जिप, भ्यान र माइक्रो बसको हकमा १३०० सिसिसम्म ८ हजार, १३०१ देखि २००० सिसिसम्म ९ हजार,२००१ देखि २९०० सिसिसम्मको हकमा ११ हजार, २९०१ देखि ४ हजार सिसिसम्मको हकमा १३ हजार रुपैयाँ र ४००१ सिसिभन्दा माथिको हकमा १५ हजार रुपैयाँ वार्षिक सवारी साधन कर तय गरेको छ।

यसैगरी सार्वजनिक सवारी साधनकै रुपमा प्रयोग हुने डोजर, एक्साभेटर, लोडर, रोलर, ट्रिपर, क्रेन मेसिनरी उपकरणको १७ हजार, थ्रीहिलर र टेम्पाको ४ हजार, ट्याक्टरका २ हजार ५ सय सय,पावर टेलरको २ हजार, मिनीट्रक/मिनिबसको १२ हजार, ट्रक/बसको १६ हजार र मिनिट्रिपरको १४ हजार रुपैयाँ सवारी साधन कर तोकिएको छ।

सवारी साधन दर्ता शूल्क

निजी तर्फका सवारीको हकमा बस/ट्रकको २ हजार ५ सय, मिनिकस/मिनिट्रक/ट्याक्टरको हकमा २ हजार, कार/जिप/भ्यान/पिकअप/टेम्पोको हकमा १ हजार ५ सय, मोटरसाइकल ५ सय, अटो टेम्पो १ हजार र सरकारी मोटरसाइलको ८ सय रुपैयाँ तोकिएको छ।

सार्वजनिक तर्फका सवारीको हकमा बस/ट्रकको ३ हजार ५ सय, मिनिकस/मिनिट्रक/ट्याक्टरको हकमा २ हजार ५ सय, कार/जिप/भ्यान/पिकअप/टेम्पोको हकमा २ हजार ५ सय र अटो टेम्पो १ हजार ५ सय रुपैयाँ तयार भएको छ।

सवारी साधनको नामसरी

निजी तर्फ बस/ट्रकको हकमा १ हजार २ सय, मिनिबस/मिनिट्रक तथा ट्याक्टरको हकमा १ हजार, कार/जिप/भ्यान/पिकअप/टेम्पोको हकमा ८ सय र मोटरसाइकल/स्कुटरकोे हकमा ५ सय रुपैयाँ तय भएको छ।

यसैगरी सार्वजनिक सवारी तर्फ बस/ट्रकको हकमा २ हजार ५ सय, मिनिबस/मिनिट्रक तथा ट्याक्टरको हकमा १ हजार ५ सयर कार/जिप/भ्यान/पिकअप/टेम्पोको हकमा १ हजार रुपैयाँ तय भएको छ।

ब्लु बुक नविकरण दस्तुर

भाडाका बस र ठुला ट्रिपर–१००० हजार रुपैयाँ

भाडाका मिनिबस/मिनिटिपर–८ सय

निजी बस/टिपर–५ सय

निजी मिनिबस/मिनिटिपर–५ सय

ट्याक्टर–८ सय

एक्बुलेन्स–५ सय

मोटरसाइकल स्कुटर –२ सय

निजी गाडी (वर्ग क/च)–५ सय

सरकारी /भाडा जिप(वर्ग ज/झ)–८ सय

पावर टेलर–३ सउ

निजी मेशनरी औजार–५ सय

भाडाको टेम्पो–५ सय

निजी टेम्पो–५ सय

अन्य प्रदेशबाट सरूवा सहमति पछिको दर्ता परिर्वतन शूल्क

ठूला बस/ट्रक निजीको हकमा १५ सय र सार्वजनिकको हकमा २५ सय रुपैयाँ तय भएको छ। यसैगरी साना/मझौला सवारी/मिनिबस/मिनिट्रक/जिप/कार/भ्यानको लागि दर्ता परिर्वतन शूल्क निजीकोे हकमा ८ सय र सार्वजनिकको हकमा १ हजार ५ सय रुपैयाँ तय भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माल्दिभ्सका विद्यार्थी नेपालमा चिकित्सा शिक्षा अध्ययन गराउन द्विपक्षीय सम्झौताको तयारी

गोरखाको इतिहास अध्ययन र प्रवर्द्धन गर्न ‘स्रष्टा पदयात्रा’

प्रचण्ड र तत्कालीन सरकार मिलेर राजा वीरेन्द्रको वंशनाश गरे : ज्ञानेन्द्र शाही