काठमाडौं– विपक्षी गठबन्धनका नेताहरुबीच छलफल भएको छ। नेपाली कांग्रेसका सभापति शेरबहादुर देउवा निवास बूढानीलकण्ठ बिहीबार अपराह्न माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एमालेका नेता माधव कुमार नेपाल र जनता समाजवादी पार्टी (जसपा)का अध्यक्ष उपेन्द्र यादवबीच छलफल भएको स्रोतको भनाइ छ। छलफल अहिले पनि जारी छ।
कामचलाउ सरकारका प्रधानमन्त्री केपी शर्मा ओलीले आजै ७ जना मन्त्री र एक जना राज्यमन्त्री थप गर्दै मन्त्रिपरिषद्लाई पूर्णता दिएपछि विपक्षी गठबन्धन छलफलमा बसेका हुन्।
उनीहरुले यसअघि भएको मन्त्रिपरिषद् विस्तार र हेरफेरको विरोध गरेका थिए। आजको बैठकले पनि सर्वोच्च अदालतमा संसद विघटनविरुद्ध सुनाइ जारी रहेको समयमा कामचलाउ सरकारले मन्त्रिपरिषद् विस्तार गरेकोप्रति विरोधमा संयुक्त विज्ञप्ति जारी हुने सम्भावना रहेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1746520246.jpg)
-1764146706.png)
