काठमाडाैं- जनता समाजवादी पार्टी (जसपा)ले प्रदेश २ को सरकारमा सहभागी गराउने निश्चित भएसँगै नेपाली कांग्रेस र माओवादी केन्द्रका शीर्ष नेताहरु आन्तरिक छलफलमा जुटेका छन्।
जसपाको उपेन्द्र यादव पक्षले बुधबार कांग्रेसलाई तीन र माओवादी केन्द्रलाई दुई मन्त्रालयल दिने सहमति गरेका थिए।
सांसद शंकरप्रसाद चौधरीका अनुसार मन्त्रीमण्डलमा को-को पठाउने विषयमा प्रदेश २ को संसदीय दलको बैठक जारी छ। उनका अनुसार कांग्रेसको भागमा परेका दुई मन्त्रलाय निश्चित छ।
कांग्रेस र माओवादी केन्द्र सरकारमा सहभागी हुने भएपछि भौतिक पूर्वाधार तथा यातायात मन्त्रालयलाई फुटाइएको थियो। फुटाएको दुई कांग्रेसले पाउने अर्को एक मन्त्रालय निश्चित हुन बाँकी रहेको उनको भनाइ छ।
यता, माओवादी केन्द्रका सांसद भरत साहले आफ्नो पार्टीले पाउने मन्त्रालय कुन-कुन हो भन्नेबारे स्पष्ट जानकारी नआएको बताए। यद्यपि, आफूहरु पनि छलफलमा रहेकाे उनकाे भनाइ छ।
‘माओवादीले पाउने मन्त्रालय टुंगिएको छैन। हामी बैठकमा छौं। हामीले पाउने मन्त्रालयका लागि छलफल जारी छ,’ उनले भने। तीनै जना मन्त्रीले बुधबार नै शपथ लिनसक्ने उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769347165.png)
-1764146706.png)
