काठमाडौं- नेकपा (एमाले)को माधवकुमार नेपाल समूहले आयोजना गरेको भर्चुअल केन्द्रीय कमिटी बैठक जारी छ। बैठकमा स्थायी कमिटी सदस्यहरु घनश्याम भुसाल, योगेश भट्टराई, सुरेन्द्र पाण्डे र गोकर्ण विष्ट पनि सहभागी छन्।
पछिल्ला केही दिनयता एमाले अध्यक्ष केपी शर्मा ओलीसँग निकटता बढेको भन्दै नेपाल समूहभित्र उनीहरुको चर्को आलोचना भइरहेको छ। त्यही क्रममा उनीहरु बिहीबारको बैठकमा सहभागी हुने वा नहुनेबारे पनि अन्योल देखिएको थियो।
एमाले केन्द्रीय कार्यालयका तर्फबाट कार्यालय सचिव शेरबहादुर तामाङले बिहीबार बिहान विज्ञप्ति नै निकालेर अनधिकृत व्यक्तिले बोलाएको बैठकमा सहभागी नहुन निर्देशन दिएका थिए।
बैठकमा भुसाल र पाण्डेले केन्द्रीय सदस्यहरुबाट उठेका प्रश्नको जवाफ दिइसकेका छन् भने भट्टराई र विष्टले केहीबेरपछि जवाफ दिने बैठकमा सहभागी एक केन्द्रीय सदस्यले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
