.JPG)
फाइल तस्वीर।
काठमाडौं- नेपाली कांग्रेसका नेता गगन थापाले सरकारले ढुङ्गा, गिट्टी निकासीका नाममा नीतिगत भ्रष्टाचार गर्न थालेको टिप्पणी गरेका छन्।
संसद् नभएको बेला सरकारले ल्याएको बजेटमा 'नेपालको ढुङ्गा,गिट्टी,बालुवा निकासी गरेर व्यापार घाटा न्यूनीकरण गर्ने' कार्यक्रम घुसाएर आफ्नो असली अनुहार र 'घटिया सोच' उजागर गरेको थापाको टिप्पणी छ। यसले वातावरण र चुरे संरक्षणमा सरकार कति असंवेदनशील छ प्रष्ट भएको बताएका छन्।
बुधबार सामाजिक सञ्जाल ट्विटरमार्फत् आफ्नो धारणा सार्वजनिक गर्दै उनले लेखेका छन्, 'यो 'नीतिगत भ्रष्टाचार हो'। आफ्ना 'यार'लाई पोस्न सरकार कुन हदसम्म गिर्छ भन्ने कुरा पुन:छर्लङ्ग भएको छ।'
थापाले चुरे क्षेत्र तहस नहस पारेर तराईलाई मरभूमिकरण गर्न उद्धत यस्ता प्रयत्नलाई विगतमा संसदीय समितिमा हुँदा पनि पटक पटक रोकेको स्मरण गरेका छन्। 'यसपटक पनि सरकारको यो निर्णय रोकेरै छाड्नेछौँ', थापाले लेखेका छन्।
अदालतको आदेश, संसदीय समितिका पटक पटकका निर्देशन र नागरिक खबरदारीलाई अन्देखा गर्दै सरकारले जस्केलाबाट जनविरोधी कार्यक्रम ल्याएको थापाको आरोप छ।
'यो जनविरोधी कार्यक्रमलाई हामी जनप्रतिनिधिले त प्रतिरोध गर्छौँ नै। आम जनता, सञ्चारजगत, सचेत नागरिक समाज सबैलाई यसको प्रतिरोध गर्न आव्हान गर्दछु', थापाले भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
