काठमाडौं- नेकपा एमालेले लुम्बिनी प्रदेशमा सोमबार सम्पन्न राष्ट्रिय सभा उपनिर्वाचनमा अन्तर्घात भएका कारण पार्टीका उमेदवार पराजित भएको निष्कर्ष निकालेको छ।
मंगलबार बालुवाटारमा बसेको स्थायी कमिटी बैठकका निर्णयबारे जानकारी गराउँदै प्रवक्ता प्रदीप ज्ञवालीले विपक्षी गठबन्धनका उमेदवारभन्दा आफ्ना उमेदवारको मत कम भए पनि केही ठाउँमा अन्तर्घात भएको बताए। बैठकमा त्यसबारे समीक्षा गरिएको उनको भनाइ थियो। लुम्बिनी प्रदेशअन्तर्गत भएको उपनिर्वाचनमा एमालेका चन्द्रबहादुर खड्कालाई गठवन्धनका उम्मेदवार दृगनारायण पाण्डेले पराजित गरेका थिए।
बैठकले पार्टी एकता बचाउन अन्तिम समयसम्म प्रयास जारी राख्ने निर्णय गरेको उनले जानकारी दिए। नेपाली कांग्रेसका सभापति शेरबहादुर देउवालाई प्रधानमन्त्री बनाउन गएकाहरुले त्यसलाई गलत महसुस गरी फर्के राम्रै हुने ज्ञवालीको भनाइ थियो।
उनले पार्टी विवाद समाधानका लागि गठन भएको कार्यदलका केही नेता कारबाहीमा परेकाले त्यो कार्यदलको अस्तित्व सकिएको बताए। आवश्यकता भयो भने फेरि गठन हुनसक्ने भन्दै उनले त्यो छलफल पछि मात्रै तय हुने बताए।
बैठकमा बजेटबारे छलफल भएको र अहिलेको आवश्यकता पूर्ति गर्ने गरी बजेट आएको निष्कर्ष निकालेको ज्ञवालीले बताए।
कोरोना संक्रमण घटाउन सरकारको पहल सकरात्मक भएको भन्दै उनले राष्ट्रपतिले कोरोना खोप ल्याउन गरेको पहलप्रति नेताले गरेको टिप्पणी आपत्तिजनक रहेको बताए। 'राष्ट्रपतिले आफ्नो हैसियत अनुसारको कार्य गर्नु भएको हो।जीवन पहिलो हो अहिले' उनले भने, 'क्षुद्र टिप्पणी गर्ने नेताहरुलाई कसैलाई कोरोना नलागोस्।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
