काठमाडौं- सर्वाेच्च अदालतको संवैधानिक इजलासका दुई न्यायाधीशले इजलासमा नबस्ने घोषणा गरेका छन्।
मंगलबार न्यायाधीशद्वय दीपककुमार कार्की र आनन्दमोहन भट्टराईले इजलासमा नबस्ने घोषणा गरेका हुन्। संवैधानिक इजलासमा रहेका न्यायाधीशका विषयमा प्रश्न उठेपछि उनीहरू अलग हुने निर्णयमा पुगेका हुन्।
संवैधानिक इजलासमा रहेका न्यायाधीशद्वय तेजबहादुर केसी र बमकुमार श्रेष्ठका विषयमा कानुन व्यवसायीले प्रश्न उठाएका थिए।
मंगलबारको सुनुवाइमा न्यायाधीश कार्की र भट्टराईले इजलासबाट अलग रहनु पर्ने जिकिर गरे। राय दिनु आफ्नो अधिकार भएको बताउँदै भट्टराईले इजलासको विश्वसनियताले असमानजस्यमा परेको उल्लेख गरे। उनले न्यायिक निष्ठा र पवित्रता राख्नु पर्ने चुनौती आएको बताए।
'न्यायीक कार्य सँधै पवित्र हुन पर्छ, फैसला गरेर मात्र हुँदेन, न्याय मरेको देखिन्छ' उनले भने। जनआस्था र विश्वासको लागि आफूहरुले यस्तो निर्णय गरेको उनले बताए। 'न्यायाधीशमाथि आशंका भएमा अलग रहनु पर्छ भनेको छ। न्यायाधीशको निष्पक्षता आफैले गर्ने हो' इजलासमा उनले भने।
फागुन २३ गतेको फैसलाकै कारण यस्तो अवस्था आएको र सहकर्मी अलग हुन जरूरी रहेको भन्दै उनले भने, 'त्यो फैसलासँग यसको सम्बन्ध छैन भन्ने हाम्रो धर्मले दिँदैन।'
यसअघि केसी र श्रेष्ठले इजलासमा नबस्न गरेको आग्रह अस्वीकार गरेका थिए। संवैधानिक इजलासमा राय प्रस्तुत गर्दै उनीहरुले आफूहरू इजलासबाट अलग नहुने बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
