जसपाले ८ मन्त्री र २ राज्यमन्त्री पाउने समझदारी, प्रधानमन्त्रीसँगको वार्ता सकेर नेताहरु बाहिरिए

राजनीति

नेपाल लाइभ सोमबार, जेठ १७, २०७८ १४:३९

काठमाडौं– प्रधानमन्त्री केपी शर्मा ओली तथा जनता समाजवादी पार्टी (जसपा)का अध्यक्ष महन्थ ठाकुर र राजेन्द्र महतो पक्षबीचको वार्ता सकिएको छ।

सोमबार विहान १० बजेबाट बालुवाटारमा शुरु भएको साढे तीन घन्टा लामो वार्ता सकेर जसपाका नेताहरु बालुवाटारबाट बाहिरिएका छन्।

जसपाले ८ मन्त्री र दुई राज्यमन्त्री पाउने गरि समझदारी भएको र एक दुई दिनमै सरकार विस्तार हुने बालुवाटार स्रोतले जानकारी दियो। ‘माओवादी केन्द्रले छोडेका मन्त्रालय जसपाले पाउने हो, ८ मन्त्रीसहित २ राज्यमन्त्री दिने पक्का भइसकेको छ’ बालुवाटार निकट स्रोतले भन्यो, ‘को–को जाने उहाँहरुले छान्नु हुन्छ, गृह मन्त्रालयको दाबी उहाँहरुले छोड्नु भएको छैन।’

जसपाका एक कार्यकारिणी सदस्यले माओवादी केन्द्रले छोडेको मन्त्रालय आफूहरुले पाउने भएको भएपनि को–को कुन कुन मन्त्रालयमा जाने भन्नेबारे निर्णय भइनसकेको जानकारी दिए।

‘अध्यक्षलगायतका नेताले विहान लामो समय प्रधानमन्त्रीसँग छलफल गर्नुभयो,’ उनले भने, ‘सरकारमा जाने भन्ने विषयमा मोटामोटी सहमति भइसकेको छ, को–को जाने भन्ने बारेमा छलफल हुन्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महिला यु–१९ विश्वकप खेल्ने टोलीको बन्द प्रशिक्षण गौतमबुद्ध अन्तर्राष्ट्रिय क्रिकेट रङ्गशालामा हुने

एनपीएलः दीपेन्द्रसिंह ऐरीले जिते कार

एनपीएलः सुदूरपश्चिमका जैब सर्वोत्कृष्ट खेलाडी, जनकपुरका ललित उत्कृष्ट बलर र विपीन उदीयमान खेलाडी