काठमाडौं- प्रधानमन्त्री केपी शर्मा ओलीले महिलाहरुले ठीक व्यवहार लिनुपर्ने र ठीक आचरण गर्नुपर्ने सुझाव दिएका छन्। महिला तथा बालबालिका मन्त्रालयद्वारा आइतबार आयोजित तेस्रो राष्ट्रिय महिला अधिकार दिवस कार्यक्रममा सम्बोधन गर्दै उनले त्यसो भयो भने मात्रै समाजलाई ठीक व्यवहार र आचरणतिर डोर्याउन सकिने बताए।
‘महिला हिंसा गर्ने कुरामा महिला पनि त्यति कम छैनन्। महिलाहरु पनि सजग हुनुपर्छ, यस्तो कुरामा। महिलामा महिलाजन्य स्नेहपूर्ण, ममतापूर्ण स्वभाव हुनुपर्छ। त्यतापट्टि पनि हामीले ध्यान दिनुपर्छ। आफैंले आफैंलाई पहिले हामीले सच्याउनुपर्छ। ठीक ठाउँमा उभ्याउनुपर्छ। ठीक विचार लिनुपर्छ। ठीक व्यवहार लिनुपर्छ। ठीक आचरण गर्नुपर्छ। अनिमात्रै हामी समाजलाई ठीक विचार, ठीक व्यवहार, ठीक आचरणतिर डोर्याउन सक्छौँ’, प्रधानमन्त्री ओलीको भनाइ थियो।
उनले समाजमा ‘स्याडिस्ट’ प्रवृत्तिको बिगबिगी देखिएको बताए। त्यो गम्भीर चिन्ता र चासोको विषय भएको उनको भनाइ छ। उनले आफूलाई विद्वान भन्नेहरुले पनि परपीडक स्वभाव देखाएको भन्दै आलोचना गरे।
‘आफूलाई विद्वान ठान्नेहरु, तिनको जिन्दगी खेर गएको देखेर बहुत दुःख लाग्छ मलाई। एउटा मानवीय सभ्यताको तहमा समेत उक्लन नसकेका त्यस्ता तत्वहरु। अहिले पनि घृणा फैलाउने काम गरिहेका छन्’, उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793965248.png)
-1786602170.png)
