फाइल तस्वीर।
काठमाडौं- महान्यायाधिवक्ता रमेश बडालले विपक्षीहरूले मुद्दा स्थापित गराउन 'मिडिया स्टन्ट' गरेको टिप्पणी गरेका छन्। उनले स्वच्छ सुनुवाइ नभएको पनि बताए।
प्रतिनिधि सभा विघटन सम्बन्धी मुद्दामा आइतकार संवैधानिक इजलासमा वरिष्ठ अधिवक्ताहरूले न्यायाधीशद्वय बमकुमार श्रेष्ठ र तेजवहादुर केसी इजलासमा बस्न नहुने जिकिर गरेपछि बडालले यस्तो तर्क गरेका हुन्।
'मुद्दा स्थापित गराउन मिडिया स्टान्ट नगर्ने हाे भने मुद्दा कमजाेर हुन्छ भनेर निर्णय भएकाे छ। स्वच्छ सुनुवाइ आज भएकाे छैन। युवा जाेश, महान्यायाधिवक्ता भनेर व्यंग गर्नुभयाे', बडालले भने 'म बार काउन्सिलकाे अध्यक्ष हाे। गलत बाटाेमा गए भने मैले सम्झाउने हाे। आचारसंहिता सम्झाउने मेराे जिम्मेवारी हाे।'
उनले यसरी हेर्ने हाे भने दुई न्यायाधीशले सरकार विपक्ष भएका कुनै मुद्दा हेर्न नमिल्ने अवस्था आउने बताए। 'याे इजलास याेग्य छ। विपक्षीहरुले यही विषयमा बहस गरे हामी पनि मुद्दा दिन्छाैं। २० जना न्यायाधीशले हेर्न मिल्दैन। स्वच्छ सुनुवाइ हुँदैन। हुँदा हुँदा पूर्वन्यायाधीशले बाहिरबाट फैसला गर्न मिल्छ?', महान्यायाधिवक्ता बडालले भने।
वरिष्ठ अधिवक्ताहरू कृष्णप्रसाद भण्डारी, शम्भु थापा, हरिहर दाहाल, रमण श्रेष्ठ, गोविन्द बन्दी लगायतले न्यायाधीशद्वय श्रेष्ठ र केसी इजलासमा बस्न नहुने तर्क गरेका छन्।
श्रेष्ठले नेकपा एकता बदरको फैसला गरेको र केसी अघिल्लो प्रतिनिधि सभा विघटनको मुद्दामा पनि इजलासमा रहेको उनीहरू बस्न नमिल्न वरिष्ठ अधिवक्ताहरूको तर्क छ।
संवैधानिक बाध्यताका कारण प्रधानन्यायाधीश बस्नुपर्ने भए पनि सकेसम्म बिदामा बस्न समेत सुझाएका छन्। वरिष्ठ अधिवक्ता थापाले यस्तो सुझाव दिएका हुन्।
कानुन व्यवसायीले न्यायाधीशद्वयमाथि प्रश्न उठाएपछि प्रधानन्यायाधीश राणाले आफ्नो विकल्प दिन भनेका थिए। त्यसको जवाफमा वरिष्ठ अधिवक्ता थापाले प्रधानन्यायाधीश राणालाई बिदामा बस्न सुझाव दिएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763559424.jpg)
-1763559424.jpg)
