काठमाडाैं- बेलायतमा आयाेजना हुन लागेकाे जी सेभन शिखर बैठकमा भाग लिन पुगेका भारतीय प्रतिनिधिमण्डलमा काेराेना संक्रमण पुष्टि भएपछि सेल्फ आइसुलेसनमा राखिएकाे छ।
भारतमा काेराेना संक्रमणकाे दाेस्राे लहर व्यापक रुपमा फैलिरहेकै बेला उनीहरु बैठकमा सहभागी हुन बेलायत पुगेका हुन्। भारतीय विदेश मन्त्री एस जयशंकरका अनुसार काेराेना संक्रमण पुष्टि भएपछि उनीहरुलाई सेल्फ आइसुलेसनमा राखिएकाे हाे।
मंगलबार जयशंकरले बेलायतकी गृहमन्त्री प्रीति पटेललाई व्यक्तिगत रूपमा भेटेका थिए, तर अब बैठक भर्चुअल राखिने जनाइएकाे छ।
भारत जी सेभन समूहकाे सदस्य हाेइन, तर भारतीय प्रतिनिधिमण्डललाई पाहुनाका रूपमा बोलाइएको हाे। बेलायत, क्यानडा, फ्रान्स, जर्मनी, इटली, जापान र संयुक्त राज्य अमेरिका जी सेभनका सदस्य राष्ट्र हुन् । जी सेभनमा सम्मेलन अर्को महिना आयाेजना हुँदैछ। तर, अहिलेदेखि नै यी देशका मन्त्रीहरू बेलायतमा वार्ता गरिरहेका छन्।
सदस्य राष्ट्रहरु बाहेक सामेलमा भारत, अष्ट्रेलिया, दक्षिण कोरिया र दक्षिण अफ्रिकालाई पनि पाहुनाका रूपमा आमन्त्रित गरिएको छ।
बेलायतका एक वरिष्ठ कूटनीतिज्ञले जयशंकर व्यक्तिगत रूपमा बैठकमा उपस्थित हुन नसक्नेमा खेद व्यक्त गरेका छन्।
उनले भने, 'अब उहाँले भर्चुअल बैठकमा भाग लिनुहुनेछ। तर, हामीसँग काेराेना प्रोटोकलहरू छन् र हरेक दिन परीक्षण गरिन्छ।'
मंगलबार गृहमन्त्री पटेलले भारतीय विदेश मन्त्री जयशंकरलाई भेटेकाे तस्वीर ट्वीट गरेकी थिइन्।
यस तस्वीरमा दुबैले मास्क लगाएका थिए। दुई जना मन्त्रीहरूले हात जोडेर एक अर्कालाई अभिवादन गरिरहेका थिए।
पटेलले आफ्नो ट्वीटमा लेखेकी थिइन्, 'भारतसँग नयाँ व्यापार र लगानी सम्झौता भएको छ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1767770856.png)
