काठमाडौं–कोभिड–१९ संक्रमितको संख्या उच्च बनेपछि भएको अक्सिजनको अभाव पूरा गर्न दिल्ली सरकारले विदेशबाट अक्सिजन मगाउने भएको छ।
आफ्नो राज्यका लागि बैंककबाट अक्सिजनको १८ ट्यांकर आयात गर्ने निर्णय दिल्ली राज्य सरकारले गरेको छ। विदेशबाट ल्याउन लागिएको अक्सिजन बुधबार दिल्ली आउने मुख्यमन्त्री अरविन्द केजरीवालले जानकारी दिए।
मुख्यमन्त्री केजरीवालले बैंककबाट अक्सिजनको ट्यांकर ल्याउनका लागि केन्द्र सरकारसँग एयरफोर्स विमान उपलब्ध गराउन आग्रह गरेका छन्। केन्द्र सरकारले एयरफोर्स विमान उपलब्ध गराएको खण्डमा अक्सिजन ल्याउन सहज हुने उनको भनाइ छ।
त्यसैगरी, फ्रान्सबाट तत्काल प्रयोग गर्न मिल्ने २१ वटा अक्सिजन प्लान्ट आयात गर्न लागेको दिल्ली सरकारको भनाइ छ। यससँगै दिल्लीमा अक्सिजनको समस्या बिस्तारै समाधान हुने मुख्यमन्त्री केजरीवालले बताए।
फ्रान्सबाट ल्याइएका अक्सिजन प्लान्टलाई दिल्लीको विभिन्न अस्पतालमा लगाइने उनले बताए।
भारतमा दैनिक तीन लाखभन्दा धेरै कोरोना संक्रमित थपिन थालेका छन्। हाल अस्पताल भर्ना भएका ९० प्रतिशत बिरामीलाई अक्सिजन आवश्यक भएपछि भारतमा अक्सिजनको अभाव भइरहेको छ।
अक्सिजनको अभावमा भारत दैनिक सयौंले ज्यान गुमाइरहेको स्थानीय समाचारहरुमा उल्लेख छ।
देशमा अक्सिजन अभाबदेखिएपछि भारतले तत्कालका लागि अक्सिजन निर्यातमा रोक लगाएको छ । यसबाट अन्य एशियाली मुलुकमा समेत अक्सिजनको अभाब आउनसक्ने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
