काठमाडाैं- कोरोना महामारीसँग जुधिरहेको भारतलाई पाकिस्तानले स्वास्थ्य सामग्री सहयोग गर्ने भएको छ।
दोस्रो वेभका रुपमा आएको कोरोना महामारीका कारण भारतमा दैनिक ३ लाखको हाराहारीमा संक्रमित फेला पर्न थालेपछि उपचारमा अक्सिजनको अभाव भइरहेको छ। यस्तै, भारतलाई विभिन्न देशले अक्सिजनसहित स्वास्थ्य सामग्री उपलब्ध गराउँदै आएको छ।
पाकिस्तानका विदेशमन्त्री शाह मोहम्मद कुरेसीले पनि भारतलाई सहयोग गर्ने प्रतिवद्धता जनाएका हुन्। सोमबार सामाजिक सञ्जाल ट्वीटरमा उनले भेन्टिलेटर, एक्सरे मेसिन, पीपीईलगायतका सामग्री सहयोग गर्ने जानकारी दिए।
यसअगाडि पाकिस्तानकै परोपकारी संस्था अब्दुल सत्तर इदी फाउन्डेसनले ५० एम्बुलेन्स र आपतकालीन कर्मचारीहरूलाई भारत पठाएका थिए।
उक्त संस्थाले भारतमा खटिएका कर्मचारीलाई आवश्यक पर्ने इन्धन, खाना र अन्य सुविधाहरूको व्यवस्था आफैले गरेकाे समेत जानकारी दिएको थियो।उक्त टाेलीमा चिकत्सक, नर्स र डाइभर रहेका छन्।
गम्भीर रुपमा प्रभावित भएको भारतलाई अमेरिकासहित विश्वका कैयौँ देशले आपतकालीन स्वास्थ्य सामग्री तथा औषधि सहयोगको बाचा गरेका छन्।अमेरिकी राष्ट्रपति जो वाइडेनले पनि भारतलाई आवश्यक र सक्दो सहयोग गर्ने आश्वासन दिसकेका छन्।
यसअघि भारतमा काेराेनाविरुद्धको खोप एस्ट्राजेनेका खोप निर्माणका निम्ति आवश्यक कच्चा पदार्थमा रोक लगाएको थियो तर, त्यो निर्यात प्रतिबन्धलाई अमेरिकाले हटाएको छ।
बेलायतले पनि भारतमा भेन्टिलेटर तथा अक्सिजनको प्रयोगका लागि आवश्यक उपकरणहरू पठाउन थालेको छ। युरोपेली युनियनका सदस्य राष्ट्रहरूले पनि भारतलाई विभिन्न खालको सहयोग पठाउँदैछन्।
भारतकाे राजधानी नयाँ दिल्लीका अस्पतालहरू बिरामीले भरिएका छन्। यहाँ आएका विरामीलाई अस्पतालले फर्काउँदैछन्। भारत सरकारले अक्सिजनको उत्पादनमा बढाउने योजना थालेको छ। भारतले देशभरमा ५०० वटा अक्सिजन उत्पादनसम्बन्धी कारखाना खोल्न अनुमति दिएको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
