हङकङ- हङकङको उच्च अदालतले स्वतन्त्र पक्षधर लुइस लो यात सनलाई १२ वर्षको जेल सजाय सुनाएको छ।
हङकङका नागरिकमा डर उत्पन्न गराएको र देशविरुद्ध युद्ध निम्त्याउने कार्य गरेको आरोपमा हङकङको सुरक्षा कानुन अन्तर्गत २९ वर्षीय सनलाई जेल सजाय सुनाइएकाे हाे।
सनले सन् २०१९ मा सरकारविरुद्ध देशव्यापी आन्दोलन हुँदा विस्फोटक पदार्थहरु बनाउने गरेका थिए। उनले विभिन्न स्थानमा बम बिस्फोट गराएको अदालतको ठहर छ।
हङकङमा सन् २०१९ मा सुपुर्दगी विधेयकको विरोध गर्दै देशव्यापी आन्दोलन सुरुवात भएको थियो। तर, २०२० मा चीनले हङकङका लागि राष्ट्रिय सुरक्षा कानुन लागू गरेकाे छ।
याे कानुनअनुसार करिब एकसाता अगाडि मात्रै प्रजातन्त्रवादी नेता तथा अभियन्ता एप्पल डेली नामक पत्रिकाका संस्थापक जिम्मी लाइसहित पाँच प्रजातन्त्र समर्थकलाई जेल सजाय सुनाएकाे थियाे।
लाइलाई १२ महिना जेल सजाय सुनाइएको छ। अर्का प्रजातन्त्र समर्थक तथा पूर्व सांसद लि ची उ कानलाई १२ महिना कैद सजाय सुनाइएको छ। उनले १९८९ बेइजिङस्थित थियानमेन चाेकमा प्रजातन्त्र समर्थक जनताको हत्याको विरोधमा हङकङमा मैनबत्ती जुलुस निकालेका थिए।
यता, वकिल अल्बर्ट हो र मार्गारेट एनजीको १२ महिनाको जेल सजाय दुई वर्षको लागि स्थगित गरियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
