टोकियो- जापान सरकारले टोकियोसहित तीन पश्चिमी सहरमा तेस्रो पटक संकटकाल घोषणा गरेको छ। टोकियो ओलम्पिक आयोजना हुन ३ महिना बाँकी रहँदा सरकारले संकटकाल घोषणा गरेको हो।
प्रधानमन्त्री योसिहिदे सुगाले अप्रिल २५ देखि मे ११ सम्म टोकियो, ओसाका, क्योटो र ह्योगोमा संकटकाल घोषणा गरेका हुन्।
‘यो निर्णय गोल्डेन वीक हेलिडेज अर्थात मेको पहिलो हप्तालाई लक्षित गरेर लागू गर्न लागिएको हो। यो समयमा मानिसहरूको व्यापक चहलपहल हुने भएकोले कोरोना फैलिने उच्च जोखिम रहेको छ,’ उनले भने। जापानमा साढे पाँच लाखभन्दा बढीमा कोरोना संक्रमण पुष्टि भएको छ। जसमध्ये ९ हजार ८०५ संक्रमितको मृत्यु भइसकेको छ।
सरकार र ओलम्पिक आयोजकले यस वर्ष जुलाई-अगस्टमा प्रतियोगिता सञ्चालन गर्ने तयारी गरेका छन्। तर, स्वास्थ्य अधिकारीहरु र विज्ञहरुले कोरोना संक्रमण थप फैलिने भन्दै चिन्ता व्यक्त गरेका छन्।
जनवरीदेखि देशको केही भागहरूमा लागू गरिएको आपतकालिनको अन्तिम अवस्थाभन्दा यो कडा हुनेछन्। तर, केही भागहरूमा कोरोना संक्रमण फैलिएको भन्दै लकडाउन जारी छ। स्वास्थ्य अधिकारीहरुले बार र रेष्टुरेन्टहरू मदिरा बिक्री बन्द गर्न र बढि भिडभाड हुने स्थान बन्द गर्न आग्रह गरेका छन्।
यता, टोकियोका गभर्नर युरिको कोइकेले नगरबासीहरुलाई बार र रेष्टुरेन्टहरू नजिकै सडकमा रक्सी नपिउनलगायत सावधानी अपनाउन आग्रह गरेका छन्।
उनले मानिसहरूलाई व्यवसायबाट टाढा रहन प्रोत्साहित गर्न साँझमा बत्तीहरू बन्द गर्न आग्रह गरेका छन्। ‘बेलुका ८ बजेपछि सडक बत्ती, ट्राफिक लाइट लगायत उज्याले दिने बस्तु बन्द गर्न आग्रह गर्छु,’ उनले भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773837959.png)
-1764146706.png)
