नयाँ दिल्ली- दिल्लीका मुख्यमन्त्री अरविन्द केजरीवालले अक्सिजन प्लान्ट सेनाको जिम्मेवारी दिनुपर्ने बताएका छन्।
कोरोना भाइरसको संक्रमण व्यापक रूपमा बढ्न थालेपछि दिल्ली लगायत राज्यमा अक्सिजनकाे अभाव भइरहेको बेला प्रधानमन्त्री नरेन्द्र मोदीले बोलाएको बैठकमा केजरीवालले उक्त प्रस्ताव पेश गरेका हुन्।
शुक्रबार भएकाे भर्चुअल बैठकमा केजरीवालले केन्द्र सरकारले सेनाको माध्यमबाट अक्सिजन प्लान्ट टेकओवर गर्नुपर्ने बताएका हुन्।
एउटा नेशनल प्लान बनाउन आवश्यक भइसक्यो। देशको सबै अक्सिजन प्लान्टलाई आर्मीको सहयोगमा सरकारले टेकओवर गर्नुपर्छ। अक्सिजनको हरेक ट्रकसँग आर्मीको स्कर्टिङ भयो भने त्यसको व्यवस्थापनमा समस्या हुँदैन उनले भने।
उनले केही राज्यले अक्सिजन बाेकेकाे ट्रक ठाउँठाउँमा रोक्न थालिएको समेत जानकारी दिए। ‘अक्सिजनको ट्रक ठाउँठाउँमा रोक्न थालिएको छ, तपाईले ती राज्यका मुख्यमन्त्रीसँग कुरा गरिदिनुभयो भने धेरै ठूलो काम हुनेछ, म मुख्यमन्त्री भएर पनि केही गर्न सकिरहेको छैन,’ उनले भने।
दिल्लीस्थित अधिकांश अस्पतालहरुमा अहिले अक्सिजनको अभाव छ। जसकारण कोरोना भाइरस संक्रमितको उपचार प्रभावित भएको छ।
उनले बंगाल, ओडिशाबाट अक्सिजन दिल्ली आउन बाँकी रहेको भन्दै ध्यानाकर्षण गराए। साथै अक्सिजन एक्प्रेस, हवाई जहाजको माध्मबाट समेत केन्द्र सरकारले अक्सिजन उपलब्ध गराउन सकिने बताए।
हरियाणाबाट अक्सिजन नआएकाले दिल्लीमा अक्सिजनको कमी भएको बताइन्छ। हरियाणामा रहेको लिन्दे इन्डिया लिमिटेडले दिल्लीका अस्पतालहरुमा अक्सिजन सप्लाई गर्दै आएको थियो। तर, हरियाणा सरकारले राज्य बाहिर अक्सिजन पठाउन रोक लगाएपछि दिल्लीमा संकट बढेको हो।
हरियाणाका स्वास्थ्य मन्त्री अनि बिजले दिल्ली सरकारले आफ्नो राज्यको अक्सिजन लुटेको आरोप समेत लगाएका छन्। दिल्लीलाई अक्सिन दिन आफूहरुमाथि दबाब रहेको भन्दै उनले पहिला हरियाणा सरकारले आफ्नो आवश्यकता पूरा गर्ने बताएका छन्।
दिल्लीमा अक्सिजनको अभाव भएपछि दिल्ली उच्च अदालतले केन्द्र सरकारलाई जसरी भएपनि अक्सिजन उपलब्ध गराउन आदेश दिएको छ।
यस्तै, सर्वोच्च अदालतले पनि अक्सिजन र भ्याक्सिनको उपलब्धताबारे विवरण प्रस्तुत गर्न केन्द्र सरकारलाई निर्देशन दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773837959.png)
-1764146706.png)
