काठमाडाैं- अफ्रिकी मुलुक चाडका राष्ट्रपति इडरिस डेबी इट्नोको विद्रोहीले चलाएकाे गोली लागेर मृत्यु भएको छ।
विद्रोहीसँगको युद्धका क्रममा पहिलो पंक्तिमा रहेर लडिरहेका बेला उनकाे मृत्यु भएको अलजजिराले जनाएकाे छ।
६८ वर्षीय राष्ट्रपति सोमबार मात्र छैठौं कार्यकालको लागि निर्वाचित भएका थिए। कार्यकाल सम्हालेकाे अर्काे दिन नै उनकाे मृत्यु भएको हाे।
उनकाे मृत्यु भएसँगै छोरा जनरल महामत काकालाई अन्तरिम सरकार प्रमुख बनाइएको छ।
गत शनिबार मात्र चाड सरकारले विद्रोहीसँगको युद्धको क्रममा ३ सय विद्रोही मारिएकाे बताएको थियो भने १५० विद्रोहीलाई नियन्त्रणमा लिएको जानकारी दिएकाे थियाे।
त्यसदिन पाँच सरकारी सेनाको मृत्यु भएको थियो। यस्तै, ३६ घाइते भएका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।