रंगुन- म्यानमार प्रतिबन्धित नवनिर्वाचित पिदाउङ्सु लुताउ प्रतिनिधि समिति (सीआरपीएच)ले ‘राष्ट्रिय एकता सरकार’ घोषणा गरेकाे छ। अन्तरिम निर्वाचित जनप्रतिनिधि र विद्रोही जातीय सशस्त्र समूहसमेत मिलेर उक्त राष्ट्रिय एकता सरकार गठन गरिएको हो।
सन् २०२० को नोभेम्बर ८ का दिन भएको निर्वाचनमा आङ सान सु ची र उनको ‘नेशनल लिग फर डिमोक्यासी’ले दुईतिहाईभन्दा बढी सिट ल्याएको थियो। तर, निर्वाचन आयोगले धाँधलीको उक्त दाबीलाई खारेज गरिदिएको थियो।
सेनाले सो निर्वाचन निश्पक्ष नभएको दाबी गर्दै फेरि निर्वाचन गराउन भन्दै सत्ता नियन्त्रणमा लिएको थियो। सेनाले निर्वाचन गराउने उद्देश्यका साथ एक वर्षका लागि संकटकालसमेत घोषणा गरेको छ।
यद्यपि, त्यहाँ सेनाको कदमविरुद्ध प्रदर्शन हुँदै आएको छ। यहि क्रममा नेशनल लिग फर डेमोक्रेसीका सांसद्हरूले सैन्य जुन्ता सरकारविरुद्ध समानान्तर जननिर्वाचित सरकारको अभ्यास थालेका हुन्।
जनप्रतिनिधि समितिले समानान्तर समितिको राष्ट्रपतिमा म्यान्मारका यसअघिका अपदस्थ राष्ट्रपतिमा यु विन मिन्टलाई नै चयन गरेको छ।
स्टेट काउन्सिलरमा सु ची र प्रधानमन्त्रीमा थिन खिन थानलाई नियुक्त गरिएको छ। समितिले प्रजातन्त्रवादी नेता थानलाई आन्तरिम प्रधानमन्त्रीका रुपमा चयन गरिएको। सीआरपीएले ११ मन्त्री र १२ उपमन्त्रीसहित १२ मन्त्रालय गठन गरेको छ।
‘इतिहासमा पहिलो पटक म्यानमारमा एकताको सरकार घोषणा गरिएको छ, डा सासाले सामाजिक सञ्जालमा भने। सासा, जसले केवल एक नाम प्रयोग गर्दछ। मुख्यतः बौद्ध देशको ईसाई जातीय अल्पसंख्यक सदस्यले यसरी नाम लेख्ने गरेका छन्।
नवनिर्वाचित प्रतिनिधि समितिले जुन्ता सरकारले जारी गरेको संविधान खारेज गरेको छ। केही दिनभित्रै व्यवस्थापिका र कार्यपालिकाको बैठक गर्ने जनाइएको छ।
संघीय प्रजातान्त्रिक संघको गठन गरेर जनमत संग्रहबाट प्रजातन्त्रको अनुमोदन गर्नेसमेत जनाइएको छ।आन्तरिम राष्ट्रिय एकता सरकारको गतिविधि कार्यान्वयन गर्न प्रजातान्त्रिक शक्तिसँग मिलेर राष्ट्रिय एकता परामर्श परिषद् गठन गर्नेसमेत जनााइएको छ।
फेब्रुअरी १ मा ‘कू’ भएदेखि जारी आन्दोलनमा ज्यान गुमाउनेको संख्या ७०१ नाघेको छ। यस्तै ३ हजार पक्राउ परेका छन् भने २३ जनालाई मृत्युदण्डको सजाय सुनाइएको छ।
यस्तै प्रदर्शनकारीले म्यानमारमा मनाइने नयाँ वर्ष अर्थात् थिङग्यानमा समेत प्रदर्शनलाई निरन्तरता दिएका छन्। थिङग्यान अप्रिल १३ देखि १६ सम्म ४ या ५ दिनसम्म मनाइन्छ। थिङग्यान सबैभन्दा महत्त्वपूर्ण पर्व हो। यसका लागि मंगलबारबाट बिदा दिएको छ।
यद्यपि, सेनाले विरोधलाई दबाउन सैन्य कानुन लागू गरेको छ। जसका कारण अधिकांश क्षेत्र सुनसान देखिएको छ। सामाजिक सञ्जालमा देखिएका तस्वीरहरुमा म्यानमारको राजधानी ‘भूत शहर’ जस्तो देखिएको छ। यहाँका व्यस्त सडक र चौराहाहरू सुनसान रहेको छ। यसका साथै सार्वजनिक पार्क र क्षेत्रहरुमा मानिसहरुको चहलपहल छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
