इस्लामाबाद- सेनाविरुद्ध आवाज उठाउने पाकिस्तानीमानव अधिकारकर्मी गुलालाई इस्माइलका बुबा मुहम्मद इस्माइललाई जमानतमा रिहा गर्न आदेश दिएकाे छ।
आतंकवादको आरोपमा पक्राउ परेका उनलाई साेमबार उत्तर पश्चिमी सहर पेशावरको अदालतले जमानरमा रिहा गर्न आदेश दिएकाे हाे। उनलाई एक दिन पछि रिहा गरिने आशा रहेकाे उनकी छोरी गुलालाई अलजजीरालाई बताएकी छिन्।
‘मेरो बुबालाई मलाई चुप गराउन र उनको असहमतिको लागि सजाय दिन कैदमा राखिएको थियो, उनले भनिन्, ‘यद्यपि, अधिकारीहरूले याे महसुस गर्नुपर्दछ कि उत्पीडन र न्यायिक उत्पीडनले आवाजलाई दबाउन सकिँदैन।’
गुलालाई एक प्रतिष्ठित पुरस्कार विजेता तथा जेन्डर राइट्स एक्टिभिस्ट हुन्। उनी पश्तून तहफ्फुज (संरक्षण) आन्दोलन (पीटीएम) का एक प्रमुख सदस्यसमेत हुन्।
याे एक अधिकार समूह हो, जसले पाकिस्तानी सेनाले गरेकाे मानव अधिकार हननकाे विषयमा आवाज उठाउँछ। पाकिस्तानले इस्माइलमाथि ‘राज्य विरोधी गतिविधी’ र ‘हिंसा भड्काएको’ गम्भीर आरोप लगाएको थियाे। उनीविरुद्ध पाकिस्तानी अदालतमा ६ मुद्दा दर्ता भएको छ।
२०१९ मा उनलाई पक्राउ गर्न सुरक्षा बलले बारम्बार घरमा छापा मारेपछि गुलाईलाई देश छोड्न भागेकी थिइन्। उनी हाल न्यूयोर्कमा आफ्नी बहिनीसँग बसिरहेकी छिन्। ३१ वर्षीयामानव अधिकार कार्यकर्ताले अब राजनीतिक शरणका लागि अनुरोध गरेकी छिन्।
इस्माइल पाकिस्तानी सरकारको निशानमा थिइन् तर उनीमाथि लगाएको यात्रा प्रतिबन्धबाट बचेर देश छोडेर भाग्न सफल भएकी थिइन्।
इस्माइल विशेषगरी महिला र युवतीहरुविरुद्ध भइरहेको अत्याचारविरुद्ध आवाज उठाउने गर्छिन्। जब इस्माइलले अफगानिस्तान सीमा नजिकै सेनाको कारवाहीमा यौन शोषणको शिकार भएका महिलाको वकालत गर्न थालिन् तब उनी सरकारको नजरमा परेकी थिइन्।
इस्माइललाई पहिलो पटक अक्टोबर सन् २०१८ मा लण्डनबाट फर्किरहेका बेला इस्लामाबाद हवाई अड्डामा पक्राउ गरिएको थियो। त्यतिबेला उनी पश्तून तहफ्फुज (संरक्षण) आन्दोलन वा पीटीएमद्वारा आयोजित एक र्यालीमा राज्य विरोधी भाषण दिने आरोपित १९ व्यक्तिमा समावेश थिइन्।
यस्तै गत वर्ष फेब्रुअरीमा उनलाई पुनः पक्राउ गरिएकाे थियाे, जब उनी पीटीएम कार्यकर्ता अरमान लूनीको मृत्युमाथि भइरहेको विरोधमा समावेश भएकी थिइन्।अरमान लूनीको मृत्यु जेलभित्र भएको थियो जबकी पुलिसले उनीमाथि कुटपिट गरिरहेको कुरा लगातार अस्वीकार गरिरहेको छ। समूहका थुप्रै सदस्य अहिले पनि हिरासतमा छन्।
त्यतिबेला उनी एक इस्लामिक उपनगरमा १० वर्षीया पश्तून बालिका फरिश्ताको बलात्कार र हत्यामाथि भइरहेको विरोधमा समावेश थिइन्। यतिबेला उनीविरुद्ध ‘राज्य र अन्य राष्ट्रियताविरुद्ध ’ उक्साएको आरोप लगाएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
