मुस्ताङ- कृषि तथा पशुपक्षी विकासमन्त्री पद्माकुमारी अर्यालले कृषि उत्पादनको बजारीकरणका लागि सरकारले अध्यय सुरू गरेको बताएकी छिन्।
हिमालपारिको जिल्ला मुस्ताङमा रहेको प्रधानमन्त्री कृषि आधुनिकीकरण कार्यक्रमअन्तर्गत स्याउ जोन मुस्ताङले जिल्लाभित्रका कृषकहरूलाई हाइब्रिड स्याउका बिरुवा वितरण गर्ने कार्यक्रमको सोमबार शुभारम्भ गर्दै मन्त्री अर्यालले सो कुरा बताएकी हुन्।
स्याउको नर्सरी बनाउनका लागि बजेट तथा कार्यक्रम स्वीकृत भइसकेकोले आगामी दिनमा स्याउ कृषकलाई बिरुवाको अभाव नहुने मन्त्री अर्यालले बताइन्। जिल्लाभित्रका प्रतिनिधिहरूले आफ्नो भूमिका उत्कृष्ट तवरले निर्वाह गरेको बताउँदै मन्त्री अर्यालले आगामी दिनमा जिल्ला कृषि तथा पशुपक्षीको उत्पादकत्व बढाउने कार्यका लागि आफ्नो उपस्थिति र भूमिका मजबुत बनाउन आग्रह गरिन्।
जोमसोममा स्याउका बिरुवा कृषकलाई हस्तान्तरण गरेर कृषिमन्त्री अर्यालले बिरुवा वितरण कार्यक्रमको शुभारम्भ गरेकी थिइन्। स्याउ जोन जोमसोमले युरोपियन मुलुक इटालीबाट ल्याएर हाइ डेन्सिटी स्याउका बिरुवा वितरण गर्न लागेको स्याउ जोनका वरिष्ठ कृषि अधिकृत सुधीर थापाले बताए। नौ हजार २३० बिरुवा वितरण गर्ने योजनाअनुरुप पहिलो चरणमा सोमबार छ हजार २४० बिरुवा वितरण गर्न लागिएको वरिष्ठ अधिकृत थापाले बताए।
जिल्लाभित्रका विभिन्न १५ वटा सहकारी तथा समूहले स्याउका बिरुवा माग गरेकाले स्याउ जोन मुस्ताङमार्फत गोल्डेन डेलिसियस, गाला, फुजी र रेड डेलिसियस जातका बिरुवा ल्याएर वितरण गरिएको हो। नेपालमा बिरुवा उत्पादन नभएको हुनाले हाइ डेन्सिटी स्याउ एक मिटरको दूरीमा लगाउन मिल्ने र उत्पादन बढी दिने भएकाले पनि मुस्ताङमा यो स्याउ उत्कृष्ट हुने थापाले बताए।
संघीय सरकारको बजेटअनुरुप ५० प्रतिशत अनुदानमा वितरण गरिएको उक्त स्याउको बिरुवा जोमसोम आइपुग्दा प्रतिबोट एक हजार १७० रुपैयाँ खर्च लागेको छ। जिल्लाभित्र दु२ करोड ६० लाख रुपैयाँमा स्याउको बिरुवा वितरण, नर्सरी, साना सिँचाइ लगायतका कार्यक्रम सञ्चालन हुने प्रधानमन्त्री कृषि आधुनिकीकरण कार्यक्रम अन्तर्गत स्याउ जोन मुस्ताङका वरिष्ठ कृषि अधिकृत थापाले जानकारी दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
