गगन थापाको प्रश्न- नेपाली कामदार किन कोरिया जान पाएनन्?

राजनीति

नेपाल लाइभ सोमबार, चैत ३०, २०७७ १३:४९

काठमाडाैं- नेपाली कांग्रेसका सांसद गगनकुमार थापाले वैदेशिक रोजगारीका लागि दक्षिण कोरिया जाने नेपाली कामदार किन रोकिएको भन्दै प्रश्न गरेका छन्। कोरियालगायत वैदेशिक रोजगारीबाट फर्केर आएका तर, जान नपाएकाहरूका बारेमा 'चमत्कारी सरकार'ले के गरिरहेको छ भनि उनले प्रश्न उठाएका हुन्।

‘विदेशबाट फर्केर आएकाहरूले जान पाएका छैनन्। यो चमत्कारी सरकारले उनीहरूको बारेमा न केही सोच्दै छ न केही भन्छ’ सोमबार प्रतिनिधि सभा बैठकको शून्य समयमा सांसद थापाले भने ‘दक्षिण कोरियाको भाषा र सीप परीक्षा उत्तीर्ण गरेका करिब १० हजार पाँच सय र प्रतिवद्ध कामदार २ हजार महिनौंदेखि काठमाडौंमा बसेका छन्। उनीहरूको बारेमा सरकारले वेवास्ता गरेको छ।’

फिलिपिन्स, श्रीलंका र म्यानमारले जस्तो पहल गरेको भए उनीहरू कोरिया जान पाउने थापाको तर्क थियो। ‘घर विदामा आएका यी कामदारले रोजगारी पाउने कुरामा मन्त्रालयले ठोस कदम चालेर संसद्लाई जानकारी गराउन माग गर्दछु ’ थापाले भने ।

थापाले पर्यटन क्षेत्रमा लाखौंले रोजगारी गुमाएको पनि बताए। सरकारी तथ्यांकले वैदेशिक रोजगारीमा पनि लाखौंले रोजगार गुमाएको भनेको तर, सरकारबाट उनीहरूका लागि केही पहल नभएको सांसद थापाको आरोप छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शैक्षिक सत्र सुरु नभई भर्ना खुलाए काठमाडौँ महानगरपालिकाले कारबाही गर्ने

यी १४ संघीय अस्पतालमा १८ वटा सेवा थप र विस्तार हुँदै, कुन अस्पतालमा के?

केयूको उपकुलपतिमा प्रा. डा. अच्युत वाग्ले नियुक्त