चितवनमा ट्र्याक्टर दुर्घटना हुँदा ६ को मृत्यु, १८ घाइते

समाचार

नेपाल लाइभ सोमबार, चैत ३०, २०७७ ०६:१५

काठमाडौं– चितवनको राप्ती नगरपालिका–११ आमपानीस्थित डुम्रे खाडी नजिक चिउँडे खोलामा ट्र्याक्टर दुर्घटना हुँदा ६ जनाको मृत्यु भएको छ।

दुर्घनामा परी १८ जना घाइते भएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले बताए। ट्र्याक्टरमा २४ जना सवार रहेको उनले बताए।

ढलानको काम गर्ने मजदुर बोकेर चिउँडे खोलातर्फ जाँदै गरेको ना १ त ६३८२ नम्बरको ट्र्याक्टर आइतबार साँझ साढे सात बजे पुलबाट झण्डै २०० मिटर तल खसेको उनले जानकारी दिए।

दुर्घटनाका घाइतेहरूको पुरानो मेडिकल कलेजमा उपचार भइरहेको उनले बताए ।

उद्धार गरी अस्पताल ल्याएपछि ६ जनाको मृत्यु भएको प्रहरी नायब उपरीक्षक थापाले जानकारी दिए। घाइतेमध्ये आठको अवस्था गम्भीर रहेको उनको भनाइ छ।

मृतकको थप विवरण आउन बाँकी रहेको थापाले जानकारी बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च