जेरुसेलम- अमेरिकाको फर्मास्युटिकल कम्पनी फाइजर र जर्मनीको बायोएनटेक नामक कम्पनीले संयुक्त रुपमा विकास गरेको कोरोना भाइरसविरुद्धको खोप दक्षिण अफ्रिकामा भेटिएको भेरियन्टमा कम प्रभावकारी देखिएको छ।
इजरायलको सबैभन्दा ठूलो स्वास्थ्य सेवा प्रदायक क्लेट र तेल अभिभ युनिभर्सिटीले गरेको अध्ययनले यस्तो देखाएको हो। शनिबार सार्वजनिक गरिएको उक्त अध्ययनमा कोरोना संक्रमण भएको कम्तीमा १४ दिनपछि खोप लगाएका ४ सय संक्रमितको तुलना खोप नलगाएका ४ सय संक्रमितसँग गरिएको थियो।
‘वास्तबिक विश्व तथ्यांकका आधारमा गरिएको अध्ययनमा खोप नलगाएका भन्दा दुई डोज खोप लगाएका संक्रमितमा यो भेरियन्ट सर्ने दर ८ गुणा बढी रहेको देखिएको छ,’ तेल अभिभ युनिभर्सिटीकी एडि स्टर्नले भनिन्, ‘यसले बेलायतमा देखिएको भेरियन्टको तुलनामा दक्षिण अफ्रिकी भेरियन्टविरुद्ध खोपको प्रभाव कम रहेको संकेत गर्छ।
दक्षिण अफ्रिकी भेरियन्ट खोपको सुरक्षा तोड्न केही हदसम्म सक्षम छ रहेको उनको दावी छ। ‘खोप नलगाएकाहरूको तुलनामा दोस्रो डोज लिएकाहरूमा दक्षिण अफ्रिकी भेरियन्ट अनुपातहीन रूपले अधिक दरमा भेटियो। यसको मतलब भेरियन्ट खोपको सुरक्षा तोड्न केही हदसम्म सक्षम छ,’ उनले भनिन्।
यद्यपि, इजरायलमा दक्षिण अफ्रिकी भेरियन्ट संक्रमित कम भएकाले अध्ययनमा थोरै नमुनाहरूको मात्र अध्ययन गरिएको अध्ययनकर्ताहरूले बताएका छन्। तर, खोपका दुई डोज प्राप्त गर्ने संक्रमितमध्ये संक्रमणको प्रचलन दर अनावश्यक रूपमा आठ गुणा बढी थियो।
‘अध्ययनको उद्देश्य कुनैपनि भेरियन्टकोविरुद्ध खोपको प्रभावकारीता कम देखाउनु थिएन, किनकि यसले केवल त्यस्तो व्यक्तिलाई मात्र हेरेको थियो जुन पहिले नै कोरोना संक्रमित भएका थिए, समग्र संक्रमण दरमा होइन,’ उनले भनेकी छिन्।
अप्रिल १ तारिखमा मात्र फाइजर-बायोएनटेक कम्पनीले परीक्षणको नयाँ तथ्यांकलाई उदृत गर्दै खोपको प्रभावकारिता ९१ प्रतिशत रहेको दाबी गरेका थिए।यसअघि भएका केही अध्ययनहरूले पनि यी कम्पनीको खोप अन्य भेरियन्टको तुलनामा दक्षिण अफ्रिकी भेरियन्टविरुद्ध कम प्रभावकारी रहेको देखाएका थिए।
‘दक्षिण अफ्रिकी भेरियन्ट खोपको संरक्षणमा टुक्रिए पनि यो जनसंख्यामा व्यापक रूपमा फैलिएको छैन,’ स्टर्नले भने, ‘यसले तनाव फैलाउन सक्छ।’ इजरायलको ९ करोड ३ लाख जनसंख्याको लगभग ५३ प्रतिशतले फाइजरका दुवै डोज पाइसकेका छन्।
इजरायलले अर्थव्यवस्था पुनः सुचारु गरेको छ। इजरायलमा सक्रिय कोरोना भाइरस संक्रमितको संख्या माहमारी शुरु भएपछि अहिलेसम्मकै सबैभन्दा न्यून अवस्थामा पुगेको छ। नयाँ तथ्याङ्कले फेब्रुअरीदेखि कोरोनाका सक्रिय संक्रमितको संख्यामा तीव्र गिरावटलाई देखाएको छ।
स्वास्थ्य मन्त्रालयले आइतबार दिएको पछिल्लो तथ्याङ्क अनुसार इजरायलमा सक्रिय संक्रमित विरामीको संख्यामा ११४ ले कमी आई कूल संक्रमितको संख्या तीन हजार ८९० कायम भएको छ। गत वर्षको जुन १६ पछि पहिलोपटक संक्रमितको संख्या न्यून देखिएको हो।
इजराइलमा यसै बर्षको फेब्रुअरी ५ सम्म संक्रमण दर उच्च रहेको थियो। उक्त समयसम्म सक्रिय संक्रमितको संख्या ८४ हजार ७८४ रहेको थियो।
इजरायलमा गम्भीर अवस्थाका कोरोना संक्रमित बिरामीहरूको संख्या २६८ बाट घटेर २६३ मा पुगेको छ। यो संख्या सन् २०२० को जुलाई २१ पछि सबैभन्दा कम हो। इजरायलमा गम्भीर बिरामीको संख्यामा जनवरीको मध्यतिर उच्च विन्दुमा पुगेको भएपनि त्यसपछि यो संख्यामा निरन्तर ओरालो लागेको छ।
इजरायलमा कोरोना संक्रमितको कूल संख्या अहिलेसम्म आठ लाख ३५ हजार ८७१ पुगेकोे छ भने छ हजार २९४ संक्रमितको मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
