आइतबार सार्वजनिक बिदा, वित्तीय संस्था भने खुला रहने

अर्थ समाचार

नेपाल लाइभ आइतबार, चैत २९, २०७७ ०८:१५

फाइल तस्बिर

काठमाडौं– आइतबार घोडेजात्राका अवसरमा सरकारले काठमाडाैं उपत्यकामा बिदा दिएको छ। तर,सार्वजनिक बिदा भए पनि बैंक तथा वित्तीय संस्था (वाणिज्य बैंक, विकास बैंक तथा फाइनान्स कम्पनी) भने खुला रहने भएका छन्।

राष्ट्र बैंकले दिएको निर्देशनअनुसार वित्तीय संस्था भने बन्द नहुने भएका हुन्।

केन्द्रीय बैंकद्वारा २०७५ असारमा जारी निर्देशनमा असोज, पुस, चैत र असार महिनाको अन्तिम हप्ता (२५ गते र सो पछि) मसान्तसम्म शनिबार लगायतका जनसुकै सार्वजनिक बिदा पनि बैंक तथा वित्तीय संस्थाका सम्पूर्ण काउन्टर र शाखा खोल्नुपर्ने उल्लेख थियो।

सोही अनुसार राजस्व संकलन गर्ने आन्तरिक राजस्व कार्यालय, करदाता सेवा कार्यालय र भन्सार कार्यालयसँगै राष्ट्र बैंक लगायत राजस्व कारोबार गर्ने सम्पूर्ण बैंक, चेक क्लियरिङका लागि अन्य बैंक तथा वित्तीय संस्था एवं नेपाल क्लियरिङ हाउस आज खुला रहने भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शैक्षिक सत्र सुरु नभई भर्ना खुलाए काठमाडौँ महानगरपालिकाले कारबाही गर्ने

यी १४ संघीय अस्पतालमा १८ वटा सेवा थप र विस्तार हुँदै, कुन अस्पतालमा के?

केयूको उपकुलपतिमा प्रा. डा. अच्युत वाग्ले नियुक्त