वैशाखमै वितरण गर्ने तयारी गरिएकाले पुरानो नक्सायुक्त विभूषण : गृह मन्त्रालय

समाचार

नेपाल लाइभ शनिबार, चैत २८, २०७७ १७:२३

काठमाडाैं- गत वैशाखमै वितरण गर्ने तयारी गरिएकाले शुक्रबार वितरित विभूषणमा पुरानो नक्सा पर्न गएको गृह मन्त्रालयले बताएको छ।

शुक्रबार राष्ट्रपतिनिवासमा राष्ट्रका विभिन्न क्षेत्रमा योगदान पुर्‍याएकालाई प्रदान गरिएको विभूषणमा नेपालको नयाँ नक्सा नराखिएको भन्दै आलोचना बढेपछि गृह मन्त्रालयले यसबारे स्पष्टिकरण दिएको हो।

शनिबार गृह प्रवक्ता चक्रबहादुर बुढाले विज्ञप्ति जारी गर्दै विभूषण घोषणा, तयारी र वितरणकाे प्रस्तावित समयमा रहेको नेपालको आधिकारिक नक्सा नै विभूषणहरूमा अंकित रहेको बताएका छन्।

'कोभिड-१९ को कारणबाट वैशाख १ वितरण हुन सम्भव नभएकोले हाल सुशोभन गरिएको हो', विज्ञप्तिमा भनिएको छ, 'नेपालको वर्तमान राजनीतिक तथा प्रशासनिक नक्सा लागू भएपछि घोषणा भएको विभूषणमा सोही बमोजिमको नयाँ नक्सा अंकित भएको र यसको सुशोभन आगामी २०७८ वैशाख १ मा गरिने व्यहोरा सम्बन्धित सबैको जानकारीको लागि यो विज्ञप्ति जारी गरिएको छ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अमरेशकुमारको प्रश्न – गभर्नर नियुक्ति प्रक्रिया देखेर लाज पनि लजाइसक्यो,xरेक कुरामा दलको कार्यकर्ता खोज्ने?

सीटीईभीटीमा प्रवेश परीक्षा नहुने, जीपीएको आधारमा नै विद्यार्थी छनोट

चितवनको पुँजीगत खर्च ४४ प्रतिशत मात्र