अबुजा- मध्य नाइजेरियाली राज्य बेन्युमा बन्दुकधारीको आक्रमणमा परी १० सैनिक र एक अधिकारीको मृत्यु भएको छ।
सेनाका प्रवक्ता मोहम्मद यरिमाले शुक्रबार उनीहरु मारिएको पुष्टि गरेका हुन्। ‘बेन्यु राज्यमा कार्यरत नाइजेरियाली सेनाहरू आक्रमणमा परेका हुन्। कति घाइतेको संख्या खुलेको छैन,’ उनले भने।
यो आक्रमणको जिम्मा कसैले लिएको छैन। तर, सेनाले घटनामा संलग्न बदुकधारी समूहको खोजी गरिरहेको छ।
बेन्यु नाइजेरियाको मध्य बेल्ट क्षेत्रको हिस्सा हो, जहाँ गोठाला र किसानबीच साम्प्रदायिक झडप भइरहन्छ।
गत महिना बेन्यु राज्यका गभर्नर स्यामुयल ओर्टम गोठालाको आक्रमणमा परेका थिए। तर, आफू सकुशल उम्किएको उनले बताए।
मध्य नाइजेरियाको केही वर्षदेखि जमिन, चरन क्षेत्र र पानीलाई लिएर गोठाला र किसानबीच झगडा हुँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764947412.jpg)
-1764146706.png)
