मुम्बई- कोरोनाविरुद्धको खोप ‘कोभिशिल्ड’ उत्पादन गरिरहेको सेरम इन्स्टिच्युट अफ इन्डियाले आवश्यक खोप उत्पादनको लागि आर्थिक अभाव उत्पन्न भएकाे बताएकाे छ। कम्पनीका सीइओ अदार पूनावालाले अहिले कम्पनीलाई खाेप उत्पादन क्षमता बढाउन ३० अर्ब भारु चाहिएको बताएका हुन्।
सेरम इन्स्टिच्यूटले भारतमा दैनिक २० लाख कोरोना खोप उत्पादन गरिरहेको छ। तर, भारतमा पहिलेकाे तुलनामा कोरोना संक्रमण बढेसँगै सेरम इन्स्टिच्युट अहिले खोप उत्पादन बढाउन सरकारले दबाब दिएकाे छ। यद्पि, भारतमा बेचिएकाे खाेपबाट नाफा नभएकाे उनले बताएका छन्।
‘भारतमा उसले अन्तर्राष्ट्रिय बजारमा बिक्री गर्नेभन्दा निकै सस्तोमा बेच्नु परिरहेको छ। हामीले भारतमा मात्र १० करोड डोज वितरण गरेका छौं। अन्य मुलुकलाई खोप बिक्री गर्दा कम्पनीले करिब १५ सय भारुमा यो खोप बिक्री गर्ने गरेको छ। तर, भारत सरकारलाई १५० भारुमा यो खोप बेच्दै आएका छाैं,’ पूनावालाले भनेका छन्।
उनले अन्य मुलुकमा कोरोना खोप निर्यात गर्न दिनुपर्ने वा सरकारबाट आर्थिक सहयोग हुनुपर्ने बताए।
‘विश्वलाई नै यो खोप चाहिएको छ। अरू देशहरूमा करिब ६० करोड डाेज खाेप निर्यात गरेका छौं। यद्यपी हामीले अहिले भारतको आवश्यकतालाई मात्र प्राथमिकता दिइरहेका छौं। यहाँ पनि प्रयाप्त मात्रामा खाेप उपलब्ध गराउन सकेका छाैं। उत्पादन बढाउन सरकारले नै सहयाेग गर्नुपर्छ,’ उनले भनेका छन्।
खाेप उत्पादन गर्नुभन्दा अगाडि खाेप बेचेर विदेशबाट पैसा ल्याउने र त्यही लगानी गर्ने याेजना बनाएकाे समेत स्मरण उनले गरे। ‘खाेप उत्पादन गर्नका लागि कहिले पनि बजेट छुट्याइएको थिएन। हाम्राे याेजना खोप निर्यात गरेर पैसा कमाउने थियाे। तर, अहिले सरकारले निर्यातमा राेक लगाएका कारण हामीले आयआर्जन गर्न सकेका छैनाैं’, उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
