बर्लिन- जर्मनी चान्सलर एन्जेला मार्केलको पार्टी क्रिश्चियन डेमोक्रेट्स (सीडीयू)का अध्यक्ष आर्मिन लास्चेतले लकडाउन घोषणा गर्न आग्रह गरेका छन्।
कोरोना भाइरसविरुद्धको खोपको पहुँच जनसंख्याको ठूलो हिस्सामा पुग्न नसकेको भन्दै उनले लकडाउन गर्नुपर्ने बताएका हुन्।
‘प्रयाप्त मात्रमा खोप उपलब्ध गराउन सकेको छैन। यस्तो अवस्थामा कोरोना संक्रमण अझै फैलिने खतरा हुन्छ। त्यसैले दुईदेखि तीन हप्तासम्म लकडाउन लागू गर्नुपर्छ,’ अध्यक्ष लास्चेत मंगलबार भने।
जर्मनीमा पछिल्लो २४ घण्टमा मात्रै ६८ सय ८५ जनामा कोरोना संक्रमण पुष्टि भएको छ। ‘प्रति १ लाख कोरोना संक्रमितबाट १०० जनालाई बचाउने प्रयास गर्नुपर्छ। त्यसैले अनिवार्य परीक्षण र डिजिटल सम्पर्क ट्रेसिङ गर्न आवश्यक छ,’ उनले भने।
उनले कोरोना संक्रमणलाई नियन्त्रण गर्न सकेमात्रै अर्थव्यवस्था सुधार हुने तर्क गरे।
जर्मनीमा महिनौं लागू गरिएको लकडाउनका बाबजुद संक्रमितको संख्यामा वृद्धि हुँदै गएको छ। जर्मनीमा २ कराेड ९० लाखभन्दा बढी काेराेना संक्रमित छन्। यस्तै ७७ हजार १३६ जनाले संक्रमणकै कारण ज्यान गुमाइसकेका छन् भने २ लाख ५९ हजारभन्दा बढी संक्रमणमुक्त भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
