काठमाडाैं- बेलायत सरकारले ल्याएको नयाँ विधेयकविरुद्ध भएको प्रदर्शनमा सय जनाभन्दा बढी पक्राउ परेका छन्। प्रहरी, अपराध, सजाय र अदालतसम्बन्धी विधेयक (किल द बिल) को विरोधमा प्रदर्शन गर्ने क्रममा उनीहरु पक्राउ परेका हुन्।
शनिबार लण्डनमा भएको प्रदर्शनमा १०७ जना पक्राउ परेको अलजजिराले जनाएको छ। ‘किल द बिल’ विधेयक पारित भए कुनै पनि आन्दोलन हिंसात्मक नभएपनि त्यसलाई रोक्ने अनुमति प्रहरीलाई हुनेछ।
कोरोना संक्रमण नियन्त्रणका लागि बेलायतले सामाजित गतिविधिमा रोक लगाएको भएपनि त्यसलाई उल्लंघन गर्दै प्रदर्शनकारीहरु सडकमा ओर्लिएका हुन्। प्रहरीका अनुसार शनिबारको आन्दोलन अधिकांश समय शान्तिपूर्ण थियो। साथै अधिकांशले भौतिक दूरीको नियम पनि पालना गरेका थिए।
प्रहरीका अनुसार सडकमा अवरोध खडा गर्ने, हिंसात्मक गतिविधिमा उत्रिने, प्रहरी अधिकारीहरूलाई कुटपिट गर्ने र कोरोना प्रोटोकल उल्लंघन गर्ने प्रदर्शनकारीहरुलाई पक्राउ गरिएको थियो। उक्त प्रदर्शनमा १० जना प्रहरी घाइते भएका छन्।
प्रस्तावित कानुनले इग्ल्याण्ड र वेल्समा हुने हिंसात्मक प्रदर्शनलाई रोक्न प्रहरीलाई थप शक्तिशाली बनाउने अनुमान गरिएको छ। उक्त स्थानमा अत्यधिक होहल्ला र हिंसात्मक आन्दोलन भइरहन्छ। नयाँ विधेकमा यदी प्रहरीको आदेश नमाने
जरिवाना वा जेल सजाय हुनेसम्मको व्यवस्था राखिएको छ।
दक्षिणपश्चिम इग्ल्याण्डको ब्रिस्टलमा नयाँ विधेयकविरुद्ध भएको प्रदर्शनमा उत्रिएकाले केही प्रहरीमाथि कुटपिट गरेका थिए भने एक चौकी र गाडी जलाएका थिए।
प्रधानमन्त्री बोरिस जोनसनले प्रदर्शनकारीमाथि प्रहरीले ब्यापक दमन गरेको आरोप लगाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
